Pfauenaug

es Pfauenaug (Inachis io)

Systematik

Chlass:	Insekte (Insecta)
Ordnig:	Falter (Lepidoptera)
Familie:	Edelfalter (Nymphalidae)
Underfamilie:	Fleckefalter (Nymphalinae)
Gattig:	Inachis
Art:	Pfauenaug

Wüsseschaftlige Name

Aglais io

(Linnaeus, 1758)

S Pfauenaug (Aglais io; Syn.: Inachis io; alemanischi Näme) isch e groosse Summervogel und ann vo d hüüffigste haimische Summervögel. D Raupe wered Tüüfels-Chatze gnennt.

Verbraitig

S Pfauanaug chunnt i ganz Europa vor und feelt nume im nördlichs Skandinavie. Es lebt am Waldrand, i Waldliechtige, Pärk, Gärte und Füechtpiet. Er sugt vor alem a de Blüete vo Wasserdost (Eupatorium), Holder (Sambucus), Tistle (Carduus), Gaisszötteli (Centaurea).

Uussie

S Pfauenaug werd 35 mm lang und het e Spannwiiti vo 55 bis 65 mm. Es isch e röötsch-bruune Summervogel mit uuffälige blaue Tupfe uf jedem Flügel, wa an Auge erinneret. D Auge uf de Vorderflügel hend ono rooti und geeli Stele.

Tagpfauenauge
△ Tagpfauenauge

Jooreszyklus

Raupe vom Pfauenaug

e Puppe vom Pfauenaug

De Falter chunnt im Früelig us de Winterstarri und lait sini Aier im Mai a d Undersiite vo Brenessle (Urtica), wo d Raupe zwoo Wuche spööter druus schlüffet. Nocheme Monet tüend si sich verpuppe. D Puppe hanged a Pflanzestengle und de Falter schlüfft noch zwoo oder drai Wuche im Juli. De Falter öberwinteret i Wurzelstöck, hoole Bömm oder Holzbiigene und i chüele Rüüm, z. B. im Estrich oder Tene.

Raupe

D Raupe vom Pfauenaug werd Tüüfels-Chatz gnennt. Si wered 40 bis 45 mm lang und sind schwarz und hend langi Stachle. Si isch uf d Brenessle (Urtica) spezialisiert, isch aber au am Hopfe (Humulus lupulus) z finde. D Puppe hanget frai a de Brennesle, mengisch au a Stai und sind grüegrau.

Literatur

Heiko Bellmann: Der Neue Kosmos Schmetterlingsführer, Schmetterlinge, Raupen und Futterpflanzen, S. 170, Franckh-Kosmos Verlags-GmbH & Co, Stuttgart 2003, ISBN 3-440-09330-1
Günter Ebert, Erwin Rennwald (Hrsg.): Die Schmetterlinge Baden-Württembergs. Band 1. Tagfalter. 1. Allgemeiner Teil: Systematik, Taxonomie und Nomenklatur, Faunistik und Ökologie, Gefährung und Schutz, Datenverarbeitung; Spezieller Teil: Papilionidae, Pieridae, Nymphalidae. 1. Auflage. Ulmer, Stuttgart 1991, ISBN 3-8001-3451-9.
Tom Tolman, Richard Lewington: Die Tagfalter Europas und Nordwestafrikas, Franckh-Kosmos Verlags-GmbH & Co, Stuttgart 1998, ISBN 3-440-07573-7
Hans-Josef Weidemann: Tagfalter: beobachten, bestimmen. Naturbuch-Verlag, Augsburg 1995, ISBN 3-89440-115-X

Weblink

Commons: Aglais io – Sammlig vo Multimediadateie

Inachis io uf Lepiforum e. V. Taxonomi und Foti
io uf schmetterling-raupe.de
Aglais io (Linnaeus, 1758) bi Moths and Butterflies of Europe and North Africa uf leps.it (englisch)
Tagpfauenauge Bilder und Informatione uf natur-in-nrw.de
Aglais io bi Fauna Europaea