Traugott Vogel

Dr Traugott Vogel (* 27. Februar 1894 z Züri; † 31. Jänner 1975 au z Züri) isch e Schwiizer Schriftsteller und Lehrer gsi.

s Läbe und s Schaffe

Dr Traugott Vogel isch z Züri im Kwartier Wiedike uf d Wält cho. Sin Vater isch dr Konrad Vogel gsi, und d Muetter d Elisabetha Vogel-Hug. Er het z Züri, z Gämf und z Berlin d Germanischtik gstudiert und drufabe au no d Zürcher Lehrerschuel psuecht. Dänn hät er als Lehrer gschaffet, zletscht no im Schuelhuus Lette z Züri. Anne 1920 hät er d Ida Karoline Kradolfer ghüraatet.

Dr Vogel hät Jugendbüecher, Romään und Theaterstuck gschribe, und drzue Artikel für Zytige, chürzeri Tegscht uund Höörspiil, und es bsunders Kapitel sind sini Mundartschrifte uf Züritüütsch. I sine Arbete hät er s Läbe im Stadtkwartier beschribe, wo am Rand vo dr Grosstadt lyt und vil Lüüt i de Fabrigge schaffed, und im letschte Roman verzelt er vom Pruef als Lehrer.

Für e Bund Schwyzerdütsch, won er es Mitgliid gsi isch, hät er es Mundartläsebuech für d Schuele mit Värsli vom Rudolf Hägni zämegstelt.

Anne 1971 het dr Schriftsteller in ere Sändig vom Schwiizer Radio e Gschicht vo iim sälber verzelt. Anne 2012 het s Radio die Nummere im Gfäss Sinerzyt nomol brocht.^[1]

Dr Traugott Vogel hät es baar Uszäichnige überchoo: d Gaab vo dr Martin Bodmer-Stiftig, dr Grooss Literaturprys vo dr Stadt Züri und dr Schwizerisch Jugendbuechprys.

Dr Nochlass vom Traugott Vogel lyt im Schwiizerische Literaturarchiv z Bärn.

Wärch

Romään und Erzälige

Unsereiner. Roman, 1924
Ich liebe, du liebst. Roman, 1926
Der blinde Seher. Roman, 1930
Leben im Grund oder Wehtage der Herzen. Roman, 1938
Nachtschatten. Erzälige, 1940
Anna Foor. Roman, 1944
Das Alpinum. Erzälig, 1949
Schuld am Glück. Erzäligre, 1951
Flucht ins Leben. Erzälige, 1961
Die verlorene Einfalt. Bekenntnisse eines Lehrers. Roman, 1964

Jugendliteratur

Peter Zupf. Erzälige, 1921
Die Tore auf! Määrli, 1927
Zirkus Juhu oder Tiermensch und Menschentier. Figuurespiil, 1928
Elastikum der Schlangenmensch. 4 Gschichte, 1933
Spiegelknöpfler. 1932 (Bd. 1), 1934 (Bd. 2) und 1942
Der Engelkrieg. 1939
Augentrost und Ehrenpreis. Gschichte, 1944
Der rote Findling. Erzälige, 1955

Mundart

De Baschti bin Soldate. Sächs Pletter ab em Gschichtebaum. 1942
Vaterland und Muttersprache. Ein Wort zum Preise der Mundart. 1944
De Läbesbaum. Gschichten us em Züripiet. 1952
Täilti Liebi. Gschichten us em Züripiet. 1961
Hüt und früener. Nöiji Geschichten us em Züripiet. 1966

Theater

Dokter Schlimmfürguet. Es Märlistuck, 1922
De Schnydertraum. Ein lustiges Spiel mit ernstem Sinn, 1939
Wachsendes Glück. Ein festliches Spiel, 1939
De Tittitolgg. Es Bergstuck, 1939 (Musik: Rolf Liebermann)
Gespräch am Abend. Pestalozzi im Töchterinstitut zu Iferten, 1946
Ein Segenstag. Ein Pestalozzispiel, 1946
Ring und Silberdolch. Kammerspiel in 5 Bildern, 1957

Hörspiil/Radiosändige

Der Ring von Hallwyl. Hörspiil, 1940
Der Wegweiser. Hörspiil, 1945
Z’Züri uf der Wält. Betrachtige, 1951
De Baschti bin Soldate. Erinnerungen an die Grenzbesetzung 1939–1945. 1969

Anderi Sache

Kindertheater in der Schule. 1935
Regine im Garten oder Das Gemüsejahr. Anbaubriefe von Feld zu Feld. 1941
Lasst uns blühen! Begegnungen im Garten. 1950
Die schönsten Bergblumen. 1953
Der heitere Claudius. 1957
Leben und Schreiben. Achtzig reiche magere Jahre. 1975, d Läbensgschicht vo iim sälber

als Ruusgäber

Samstag elf Uhr. Vorlesebuch, 1936
Schwizer Schnabelweid. E churzwyligi Heimedkund i Gschichten und Prichten us allne Kantön. 1938
Der Bogen. Eine Reihe dichterischer Kleinwerke, 1950–1964
Briefe an einen Freund. Albin Zollinger an Traugott Vogel, 1955
Holzschnitte. Künstler der Gegenwart, 1956

Literatur

Ingrid Bigler-Marschall: Traugott Vogel In: Historisches Lexikon vo dr Schwiiz.
Reto Caluori: Traugott Vogel. In: Andreas Kotte (Hrsg.): Theaterlexikon der Schweiz. Band 3. Chronos, Zürich 2005, ISBN 3-0340-0715-9, S. 2018.
Traugott Vogel. In: Schwyzerlüt. Zytschrift für üses Schwyzerdütsch 28/1, 1966 (Digitalisat).

Weblink

Nochloss vu Traugott Vogel in dr Archivdatebank HelveticArchives vu dr Schwyzerische Nationalbibliothek
Traugott Vogel uf linsmayer.ch

Fuessnoote

↑ «Verloren und trotzdem gewonnen»

[1] «Verloren und trotzdem gewonnen»

[1]