1536

1536
D Anne Boleyn un ihre Brueder George wäre wäge Hochverrot hiigrichtet.

Was isch bassiert?

Merz: Bim Basler Buechdrucker Thomas Platter wird di erscht Uusgab vu dr Institutio Christianae Religionis vum Johannes Calvin druckt un vereffetligt, ais vu dr wichtigschte Biecher vu dr Reformation.
19. Mai: D Anne Boleyn, di zwoot Ehfrau vum änglische Chenig Heinrich VIII. wird wäg aagäbligem Ehbruch, Inzescht mit ihrem Brueder George un Hochverrot im Tower of London hiigrichtet. Elf Däg speter, am 30. Mai hyrotet dr Heinrich VIII. sy dritt Frau, d Jane Seymour.
21. bis 28. Mai: Reformatorischi Theologe schließe d Wittenberger Konkordie zue dr Uuslegig vum Nachtmohl, wu zwische dr Schwyzer un dr oberdytsche Reformatore umstritten isch. Derby an dr Verhandlig sin dr Martin Luther, dr Philipp Melanchthon, dr Johannes Bugenhagen un dr Caspar Cruciger dr Elter vu Wittenberg, dr Matthäus Alber un dr Johannes Schradin vu Reidlenga, dr Jacob Ottner vu Esslenga, dr Johann Bernhard vu Frankfurt am Main, dr Martin Bucer un dr Wolfgang Capito vu Stroßburi, dr Martin Frecht vu Ulm, dr Justus Menius vu Eisenach, dr Friedrich Myconius vu Gotha, dr Wolfgang Musculus un dr Bonifacius Wolfhart vu Augschburg, dr Gervasius Schuler vu Memmenga un dr Johannes Zwick vu Konschtanz. Mit Uusnahm vum Konschtanzer Prediger Zwick nämme di oberdytsche Stedt d Konkordie aa, nit aber d Schwyzer.
Dr Kanton Waadt wird Untertanebiet vum Kanton Bärn.
S Firschtetum Wales wird in s Chenigrych Ängland yyglideret.

Commons: 1536 – Sammlig vo Multimediadateie