Benutzer Diskussion:Schofför/Archiv 2011 bis 2013

Die Site isch es Archiv vo obgschlossne Diskusione. De Inhalt söt drum nüme verändered wöre. Zum es vorhärigs Thema wider ufzgrife, cha me uf de aktuelle Diskusionssite mit eme Vewiis uf de Abschnit vo däre Archivsite wider aafange zdiskutiere.

Do sind 24 erledigti Abschnitt vo de Diskussions-Syte vom Schofför us de Johr 2011 bis 2013 archiviert.

Bilder

Hoi Schofför,

Bilder lokal in di Alemannisch Wikipedia chasch unter Spezial:Uffelade. Wänn Du Bilder witt uf d Allmänd (= Wikimedia Commons) uffelade, derno chasch des do mache: commons:Houptsyte, bzw. dert unter commons:Special:Upload. Aber Obacht: d Richtlinie sin uf dr Allmänd zimli sträng, d. h. Du muesch dert z. B. gly ne Lizänz zum Copyright aagee, suscht wird s Bild schnäll wider glescht. LG, --Holder 20:35, 7. Feb. 2011 (MEZ)

Danke - s'Bild isch platziert ! --Schofför 23:25, 7. Feb. 2011 (MEZ)

Wyter eso!

Ha eifach emool welle säge, wie toll ich's find, dass ändli emool wiider öber neus e paar schöni Artikel im Oschtschwyzer Dialäkt schrybt. Hoff du machsch wyter eso! Vili Griess, --Terfili 14:22, 4. Dez. 2011 (MEZ)

Danke för dia Rückmäldig! :-D -- Schofför 12:23, 5. Dez. 2011 (MEZ)

Ribel

Hoi Schofför,

aigetli chennte mer jo bi Dir mol e Dräffe vu dr Alemannische Wikipedia mache un Du machsch derno Ribel fir is alli :-). Gruess un schomol scheni Wynächte! --Holder 22:32, 21. Dez. 2011 (MEZ)

Chääs-Chnöpfli und a Südworscht, dezue a Ribel-Pier; da wär me lieber, als Ribel und Kafi. ;-) Danke =falls, au schöni Fäscht-Täg und en gueta Rutsch . . . -- Schofför 10:48, 22. Dez. 2011 (MEZ)

Titel-Vorlag

Sali Schofför, lueg emol do Stammtisch un Wikipedia:Umstellig uf alemannischi Stichwerter. LG, --Holder (Diskussion) 10:09, 1. Mär. 2012 (MEZ)

Hoi Schofför, dankschen fir Dyy Stimm. As provisorischi Lesig hämer jetz jo Dyy guete Vorschlag mit em Gedankestrich umgsetzt. D Frog isch aber au, was mache mer langfrischtig, wänn mer d Titelvorlag nit chenne repariere? Soll des derno fir immer eso blybe mit em Gedankestrich? LG, --Holder (Diskussion) 20:04, 5. Mär. 2012 (MEZ)

Hallo Holder, wia Du gsee häsch, hani bi Lösigsvorschlag 2 und 3 mini Stimm abgee. Döt hani mir mini Mainig chöne bilde. Bim Lösigsvorschlag 1 bini mir aifach nöd sicher, wa besser isch. Irgendwia hoffi no uf en Programierer, wo üs hilft.

I däm Zämehang frogi mi, öbs vilicht es finanziells Problem isch, en Profi zum repariere z finde? Bi sälber Mitgliid vom Verein Wikimedia CH und zahle de Johresbytrag, wia hoffentlig vili anderi au. Chönnt nöd vo döt här Hilf cho? Gruess --Schofför (Diskussion) 23:06, 5. Mär. 2012 (MEZ)

Aigetli git s in dr Wikipedia jo kai Profi, mir sin jo alli ehramtlig, un Beruefsprogrammierer hän in dr maischte Fäll sowiso iberhaupt kai Ahnig vu dr MediaWiki, aber aafroge chasch jo mol bi dr Wikimedia Schwyz.

P.S.: Villicht sotte mer in Zuechumft aifach nume no sonigi Artikel schrybe, do hämer s Broblem nit :-). LG, --Holder (Diskussion) 05:28, 6. Mär. 2012 (MEZ)

Bürokrate-Kandidatur

Sali Schofför, lueg emol do: dr Terfili kandidiert as Bürokrat. LG, --Holder (Diskussion) 16:20, 3. Mär. 2012 (MEZ)

Ussflug zur Mundartusstellig

Sali Schofför,

Wänn's nit sowiiso scho gsee hesch: Ussflug zur Mundartusstellig z Bärn am 28. April. Vilycht hesch jo Luscht un Zit zum au cho. Vili Griess, --Terfili (Diskussion) 23:07, 2. Apr. 2012 (MESZ)

Jo - hans gläse. Dia Usstellig würd mi scho inträssiere, bi aber a däm Datum zimmli sicher brueflich underwägs. Gang si vilicht mol susch go aluege oder "alose" (git jo schinnts au öpe öpis zum lose). Gruess --Schofför (Diskussion) 23:24, 2. Apr. 2012 (MESZ)

Kategorie vo de Navigationsleischte

Hoi Schofför

Ich ha gseh, dass du Kategorie für d Navigationsleischte vo de Kantön aagfange hesch. Merci, das find ich super. Ich ha numme e Chlinigkeit, wo mir nöd gfallt. Du hesch alli Navigationsleiste Schwiiz gnennt, mit em Kantonskürzel in Chlammere. Da gsehnt alli es bitz gliich us. Ich fänd deshalb Navigationsleiste Kanton ... besser, da gseht ma s besser, find ich. Theoretisch chönnt me s Wort Kanton au weg laa, aber wer weiss, obs nöd einisch für d Schtadt Bärn oder Lozärn, ... no Navigationsleischte git. --Badener (Diskussion) 16:13, 14. Apr. 2012 (MESZ)

Ha grad gseh, dass du s numme übernoh hesch. Ich hoff stört dich gliichwohl nöd, wenn ich's due ändere ;-) --Badener (Diskussion) 16:19, 14. Apr. 2012 (MESZ)

Hallo Badener, jo - i has nu übernoh, wils vorhär scho söttegi gha hät. Es isch mer aber en Fähler passiert; d "Navigationsleiste Schwiiz (LU)" het sölle "Kategorie:Navigationsleiste Schwiiz (LU)" heisse. Wonis gmerkt han, hani si welle verschiebe - isch nöd gange - do hani halt e neui gmacht. Tschuldigung!

Jo - han nüt degäge, wänns Du tuesch umbenänne. Gruess --Schofför (Diskussion) 16:29, 14. Apr. 2012 (MESZ)

Wenns Du besser finsch, hani o nünt degege, vermuetli hanis dozmol selber aifach öbernoo. --al-Qamar (Diskussion) 17:17, 14. Apr. 2012 (MESZ)

Kategorie

Hoi Schofför,

Kategorie lege mir in dr Alemannische Wikipedia scho lang uf Alemannisch aa, nit uf Schriftdytsch. Isch s in Ornig, wänn i die Kategori "Tal (Schweiz)" ändere zue "Tal (Schwiiz)"? Gruess, --Holder (Diskussion) 17:43, 30. Apr. 2012 (MESZ)

Alles klar - dä isch mer dure grutscht - Tschuldigung ;-) Gruess --Schofför (Diskussion) 17:48, 30. Apr. 2012 (MESZ)

Umstellig uff alemannischi Stichwörter

Sali Schofför,

Du hesch gschrybe, dass du gäge Dialäkt-Lemmata bisch, demit Doppel-Aalegige chönne vermiide werde. Bisch du sicher, dass es mit alemannische Stichwörter mee bzw. mit hochdütsche Stichwörter weniger sonigi Fäll git? Mit de hochdütsche Wyterleitige dürft sich bi däm eigetli nüüt andere. Un Redundanze un doppelti Artikel hemmer jo scho jetz ab un zue trotz dass mer hochdütsche Stichwörter hen un uff de dütsche Wikipedia git's jo scho syt em Aafang e ganzes Portal für Redundanze.

Dass es bi de Kategorie mangmool Verwirrige un doppelti Kategorie git, hängt glaub in erschter Linie demit zämme, dass mer bi Kategorie kei Wyterleitige cha mache. Aber bi Artikel sin Wyterleitige jo mögli un binere Umstellig wäre hochdütschi Wyterleitige jo fescht yyplannt. Viili Griess, --Terfili (Diskussion) 15:01, 6. Mai 2012 (MESZ)

I han lang gwarted und überlait, bis i mi bi de Abstimmig über d Dialäkt-Lemmata entschide han, öb i degäge bi oder eventuell mi för nöitral entschaide söll. Dä Fall vonere dopplete Kategorii hät dänn de Uusschlag geh. I find irgendwie e "amtlichi" Schribig bi Lemmata guet, wills dänn au weniger Wyterlaitige git. Me chan dänn ime Artikel diräkt verchnüpfe. Z.B. wäni en neue Artikel schribe oder en Artikel ergänze, so schribi d Verchnüpfig uf Hochdütsch, drucke uf "Vorschau aaluege" und gseh sofort öbs dä Artikel scho git oder nöd (öb er blau oder rot erschinnt).

Wämmer en bestimmte Artikel under em Dialäkt-Lemma suecht, chas jo si, as es haisst; "S eksischtiert kein Artikel mit dem Name!" und me fangt a, en nöje Artikel z schribe, wos aber vilicht under eme andere Name scho git. z.B. Ärdlig

Wänn öper s Gfühl hät, er will de Name vome Lemma ändere, so chan er aifach i de Titel-Vorlag dä abändere und guet isch. Im andere Fall hani z Gfühl, as es e Verschieberai vo Artikel vo aim Lemma uf s andere git - e ewigs hin un här. Aber vilicht tüschi mi jo (es söll jo schinnts uf de bayerische Wiki funkzioniere). Gruess --Schofför (Diskussion) 16:35, 6. Mai 2012 (MESZ)

Lueg au

Hoi Schöfför

Ich ha gseh, dass du d Fomulierig "lueg au" für d Weblinks bruuchsch. Das isch us minere Sicht zwar e gueti Idee, ich bin aber nöd sicher, ob s schlau isch, wil "lueg au" normalwerwis zum Verwiise uf anderi interne Artikel bruucht wird, wo zum Thema ghöre, aber nöd direkt verlinkt sind. --Badener (Diskussion) 10:10, 29. Mai 2012 (MESZ)

Hoi Badener, stimmt - has bi anderne Artikel vo de Ostschwiz scho gläse und gfunde, da passt besser als Glich. Da Wort (Glich oder Gleicher) isch jo underdesse mit Weblink uusgwächslet worde. I has jetzt chli dure glueget, s lueg au wird susch würkli zum verwiise uf ander passendi Artikel bruucht. Hm - wa machi jetzt? Weblink gfallt mer äbe au nöd so, aber i find au kä bessers Wort als da "Neutütsch" Wäblink. Wänns aber so gwünscht wird oder eso üblich isch - i cha läbe demit, und mach i Zuekunft die Underscheidig vo däne baidne Begriff. Gruess --Schofför (Diskussion) 22:40, 1. Jun. 2012 (MESZ)

Schrybwettbewärb

Sali Schofför,

wänn Du s imfall nonig gsää hesch:

S git wider mol e Schrybwettbewärb. Desmol zum Thema "Gebäude un Böuwärch us dr Region".

Lueg mol do: Wikipedia:Schrybwettbewärb

LG,

--Holder (Diskussion) 21:53, 17. Sep. 2012 (MESZ)

Danke för de Hiwiis. E mol luege, was sich mache loot. Gruess --Schofför (Diskussion) 22:34, 17. Sep. 2012 (MESZ)

Administrator?

Hoi Schofför,

hättsch Du Luscht Adminstrator vu dr Alemannische Wikipedia z wäre? No chenntsch sonigi Sache in Zuechumpft au sälber mache :-).

Wänn Du yyverstande bisch, no deet i Di zur Wahl vorschlaa.

LG,

--Holder (Diskussion) 15:56, 23. Okt. 2012 (MESZ)

Danke för d Blueme - aber i glaub da isch nöd nötig. Es isch au erst öpe zwaimol vorchoo, asi öpis het wele mache, wo dänn nöd gange isch. Es git jo i dätige Fäll immer öper, wo aim cha hälfe. Und es isch jo därmol au super schnäll gange. ;-) Danke und Gruess --Schofför (Diskussion) 00:41, 24. Okt. 2012 (MESZ)

Admin-Kandidatur MireilleLibmann

Sali Schofför, lueg mol do: Admin-Kandidatur MireilleLibmann. LG, --Holder (Diskussion) 18:45, 24. Okt. 2012 (MESZ)

Ä Fraag zu Horb

Hallo Schofför/Schoffeer. Uf dr Diskussionssiite vo Horb han ich ä Fraag gschtellt, wo sich oi a dich richted. Danke, wenn d druifluägsch. --B.A.Enz (Diskussion) 17:57, 18. Jan. 2013 (MEZ)

Ä Bitt um Kontaktuufnaam

Sali Schofför, ich ha uf de Siite zu Tschlin chlinere Änderige gmacht. Es isch mer aber nonig glunge, die no fählende Link iizsetze. Über settigs und no anders würdi gärn mit dir rede. Bitte schick mer drum es Mail a mamamia(at)wegwerfmail.org. Grazcha fichum.--Struppi51 (Diskussion) 21:12, 5. Feb. 2013 (MEZ)

Dräffe bim Idiotikon

Sali Schofför,

lueg emol do: Friejoorsdräffe 2013.

LG, --Holder (Diskussion) 08:48, 15. Apr. 2013 (MESZ)

Danke för d Iiladig! Im Mai bini vill underwägs und gnüüsse d «Fraitäg» lieber dähai.   --Schofför (Diskussion) 13:16, 22. Apr. 2013 (MESZ)

Catscan

Hoi Schofför,

s Catscan-Tool isch ab un zue deaktiviert, aber wänn s funktiniert, isch s no gäbig.

Gruess, --Holder (Diskussion) 13:26, 30. Mai 2013 (MESZ)

Aha - kännes nööd. Woni druf druckt han, häts grad nöd funkzioniert und drumm hanis dänn im Portal:Schwiiz/Neue Artikel glösche. Aber jetzt isches jo wider dinne. Danke för d Info und Gruess --Schofför (Diskussion) 13:34, 30. Mai 2013 (MESZ)

neie Artikel

Hoi Schofför, chasch Du as Oschtschwyzer Dir emol dää Artikel aaluege, eb dää vum Inhalt här stimmt, no chennt mer en in Wort-Namesruum verschiebe. Grueß, --Holder (Diskussion) 08:32, 25. Jun. 2013 (MESZ)

Hoi Holder, han da Wort no nie esoo ghört. Werd mi aber emol umelose. Und no öpis: de Autor hät sicher gmaint; «het kei abschätzigi Bedütig» statt «het kei abtrünnigi Bedütig» Gruess --Schofför (Diskussion) 23:51, 25. Jun. 2013 (MESZ)

Bis jetzt hani no niemer gfunde, wo dä Uusdruck kännt (wa aber nöd haisst, ases en nöt git). Öper hät gmaint; Pölli säged doch Zürcher mängmol zum Chopf - z.B. «Er hät dä Pölli aagschlage». Isch worschinli schwirig, en Beleg för da Wort z finde. --Schofför (Diskussion) 23:04, 27. Jun. 2013 (MESZ)

Vermuetli handlets sich umen Scherziitrag, wa jo bi dere Bidüttig guet mögli isch. Em beste stelemer de Aatrag, as da Wort mitere Quelle bilait were mue, sös tüemers i zwoo Wuche lösche. --al-Qamar (Diskussion) 11:02, 28. Jun. 2013 (MESZ)

Jo, do hani au e chli de Verdacht, ases en Jux chönnt si. Cha mi Dim Vorschlag (Quelle bringe, susch lösche) aaschlüüsse. --Schofför (Diskussion) 21:57, 28. Jun. 2013 (MESZ)

Houptsyte

Sali Schofför,

lueg doch bitte emol do: Wikipedia:Stammtisch#Houptsyte.

LG, --Holder (Diskussion) 12:35, 9. Sep. 2013 (MESZ)

Dankä fürs Ändere

Sali Schofför, danke villmal, dass du bi mim Artikel über Hotel es paar Fähler korrigiert und Ergänzige gmacht häsch. Ich bin ebe nonig so erfahre uf Wikipedia und no chli "unsicher" mit em Schwiizerdütsch will ichs mer schlichtwäg nöd gwöhnt bin, so z schriibä. Ich bin aber fliissig am Lärne :) No es schöns Tägli und vill Spass uf dinere nöchschte Carfahrt wünscht de Halibali (Diskussion) 21:45, 23. Okt. 2013 (MESZ)

Bitte gärn gschee. S Schriibe, wie n aim de Schnabel gwachse isch, macht aber doch Spass - oder!?! Und es glingt dr jo scho ganz guet.   Do no e paar Bemerkige; diräkti Verchnüpfige (Link) uf e anderssprochigi Wikipedia sind nöd erwünscht. Vilicht findsch jo en externe Beleg oder e Quälle, wo d chasch als Fuessnoote verwände. D Verchnüpfig uf wikiversity.org füert uf e Syte, wo en Löschaatrag gstellt isch - macht also sowiso känn Sinn. Es "Wiktionary" gits uf alemannisch > Werterbuech vu dr alemannische Dialäkt. Gruess --Schofför (Diskussion) 00:34, 24. Okt. 2013 (MESZ)

Churzumfrog

Sali Schofför,

zue unserem Jubiläumsmonet im Novämber: dr al-Qamar het vorgschlaa ghaa, ass mer as Artikel vu dr Wuche wichtigi Mylestai nämme: Chemie (1.), Le Landeron (Zunftwesen) (1000.), Hunschpach (5000.), Josef Villiger (10000.). Dr Terfili het jetz aber gmaint, mer sotte lieber anderi Artikel nämme, z. B. Artikel mit vorgläsene Versione oder Albert Bachmann (150. Geburtstag am 12.11.) un am 30. Novämber de 200. vum Hermann Kurz (200. Geburtsdag am 30.11.). Jetz brässiert s e weng, wel s bal Novämber isch, wäge mach i do mol e Churzumfrog.

Was findsch Du besser:

• Mylestai
• rundi Geburtsdäg un vorgläseni Artikel

Oder isch Dir baides rächt?

LG, --Holder (Diskussion) 05:02, 29. Okt. 2013 (MEZ)

Mini Rückmäldig isch do z finde. --Schofför (Diskussion) 08:47, 29. Okt. 2013 (MEZ)

Unterstützig bi der erscht alemannisch Site

En guete Obed! I bin jetzt a Johr debi und hon mi uff Artikel über Boddeseeschiff konzentriert, s'isch au guet gange. Aber jetzt hon i a Projekt - Liste von seealemannischen Ausdrücken der Schiffsleute auf dem Bodensee - wo i denk, dass des besser ind alemannische WP basst. De Entwurf stoht scho, aber i hon Bedenke, weil des mei erschte alemannische Artikel und mei erschte Lischt isch. Damit's it lätz wird, wär i über Hilf froh, vor allem WP-mäßig aber au sprochlig und inhaltlig. I wend mi an Di, weil Du mi am 5. Juni begrüßt hosch und mir vielliecht en Tipp gebe kascht, wo i mi hiewende kaa. Danke schomol! --Ameichle (Diskussion) 19:30, 1. Nov. 2013 (MEZ)

Au en guete Obig zrugg über de Bodesee. Me chönds jo probiere bis i au nüme witer waiss, aber au dänn finded mir sicher e Lösig. I würd s Lemma chli chürzer wähle, zum Bischpil; Liste von Ausdrücken der Schiffsleute auf dem Bodensee oder no chürzer Liste von Ausdrücken der Bodensee-Schiffsleute. Me chan de Artikel spöter immer no uf es anders Lemma verschiebe oder allefalls im Wörterbuech platziere. S Wort seealemannisch mues nöd is Lemma. I welem Dialäkt as die Uusdrück sind, chasch Du i de Iilaitig vom Artikel schriibe. Druck uf e Verchnüpfig, wo Dir gfallt oder mach e nöiji und fang doch aifach emol a . . . I bi jedefalls gspannt druf. Gruess --Schofför (Diskussion) 20:49, 1. Nov. 2013 (MEZ)

Danke vielmols, i lass mi gern a bissle schoffiere :-), aber vielliecht uff minnere DiskSite? Zerscht gohts um de Iischtieg - da honni gute Erfahrunge gmacht mit de deutsche WP-Site Hilfe: Neuen Artikel anlegen, vor allem mit Schritt 4 Benutzernamensraum anlegen. Uff de alemannische Site isch des alles anders. Also: Ka i au mei vertraute deutsche Site verwende? Und sell mitm Lemma stimmt natürlich - viel zlang. I greif Dei Vorschlag gern auf. Weitere Froge kumme no; machemers wie mit de Schoki: ripplewies. Adde für heut! --Ameichle (Diskussion) 22:11, 1. Nov. 2013 (MEZ)

WikiCon z Karlsrue

Sali Schofför,

s zaichnet sich langsam ab, dass Du bim Schrybwettbewärb e Bryys gwinnsch :-). Dr Manuel het jo dr Vorschlag gmacht, dass mer uf dr WikiCon z Karlsrueh ne chlaini Bryysverleihig chennte mache. Hättsch Du denn Zyt un Luscht uf Karlsrueh z chuu? D WikiCon isch vum 22. bis zum 24. Novämber, die Bryysverleihig wahrschyns am Sunntigmorge, also am 24.11. Du chenntsch dert au Dy Artikel vorlääse. Des fänd i no schen! Wänn Dir des z stressig isch, no chenntsch au dr Artikel mit eme Mikrophon ufnee un mir fiere Dy Artikel uf dr WikiCon vor.

LG, --Holder (Diskussion) 21:34, 5. Nov. 2013 (MEZ)

Danke für d Yladig. Chan no nöd abschätze, was dänn gschäftlich lauft und en Geburtstag i de Verwandschaft stoot äbe au no a. Und vo wäge gsprochnem Artikel; i han kai Mikrophon a mim Rächner. Wünsch Eu aber uf allfäll e gueti Zyt z Karlsrue! --Schofför (Diskussion) 00:12, 6. Nov. 2013 (MEZ)

Solly Schofför, wenn de wottsch cha ich au emol bi Dir vorbei cho, i ha gueti Usrüschtig für Uffnahme un es GA. No besser wärs nadürlig wenn de es uf Karlsrueh schaffe dätsch. Wikimedia CH übrnimmt uf Aafrog au gärn d'Reisechöschte. --Manuel Schneider^(bla) (+/-) 22:10, 12. Nov. 2013 (MEZ)

Danke för s Aagebot. I han mer ächt überlait, so öpis emol sälber aazschaffe, zum chöne gschprochni Byträg z mache. Aber wäg de «Roosi» lohnts sich s nöd - da findi nöd umbedingt en spezielle Dialäkt. Wini uf minere Benutzer-Site jo gschribe ha, hani e chli en "Mischmasch" vo Ostschwizer Dialäkt. Und wäge Karlsrue - es würd mi scho raize und d Chöschte wäred nöd s Problem. Aber wie obe i de Antwort an Holder scho gschribe, i waiss no nöd wa dänn lauft und wäni frei ha, so sötti go gratuliere. Gruess --Schofför (Diskussion) 23:13, 12. Nov. 2013 (MEZ)

Gemeinsame Normdatei

Hallo Schofför, ich würde gerne in der Vorlage:Normdaten die de:Gemeinsame Normdatei (GND) verlinken. Hast du Zeit, einen Stub anzulegen? Zwei, drei Sätze würden reichen. Wäre eine große Hilfe. Danke --Kolja21 (Diskussion) 21:42, 12. Dez. 2013 (MEZ)

Hallo Kolja21, einen Stub anlegen? Sollte er ein bestimmtes Lemma oder irgend eine Tabelle enthalten? Gruss --Schofför (Diskussion) 23:52, 12. Dez. 2013 (MEZ)

Das Lemma wäre "Gemeinsame Normdatei" oder wie immer du die GND auf Alemannisch nennen/schreiben würdest. Dann könnte ich in der Vorlage darauf verlinken. --Kolja21 (Diskussion) 23:58, 12. Dez. 2013 (MEZ)

Da wir die Lemmas, ausser bei Kategorien, immer in „Schriftdeutsch“ anlegen, mache ich das jetzt auch so. Gemeinsame Normdatei --Schofför (Diskussion) 00:04, 13. Dez. 2013 (MEZ)

Perfekt! Tausend Dank. (Hab' den Artikel in Wikidata eingetragen und in der Vorlage verlinkt.) --Kolja21 (Diskussion) 00:32, 13. Dez. 2013 (MEZ)

Gern geschehen ;-) und Dank zurück! --Schofför (Diskussion) 00:37, 13. Dez. 2013 (MEZ)