Bhartrihari

De Bhartrihari (Sanskrit: भर्तृहरि, Bhartṛhari m.) isch en indische Hofdichter und Gleerte gsii. Wen er glebt het, isch nöd sicher, d Agoobe schwanket zwöschet em 5. und em 7. Joorhundert. Er gelt nebet em Kalidasa und em Amaru as ann vo de wichtigste Vertreter vo de Sanskritliteratur.

Lebe und Werch

De Bhartrihari het immer zwöschet em weltliche und em spirituelle Lebe gschwankt und isch sibe Mool Mönch gsii. Er het meriri Werch öber Liebi, Relegioo, Ethik und Politik verfasst. Sis bikanntisti Werch Subhashita Trishati („300 waisi Sprüch“) isch im 17. Joorhundert is Holländische öbersetzt wore, so as de Bhartrihari de erst indischi Dichter isch, wo z Europa bikannt woren isch. Ane 1835 isch es vom Peter Bohlen au is d Tütsche öbersetzt wore.

De Bhartrihari werd mengisch mit dem legendäre König Bhartrihari gliichgsetzt, wo en Schüeler vom Yogin Goraksha gsii isch.

Literatur

• Meyers Taschenlexikon Fremdsprachige Schriftsteller, Leipzig (1980).
• John Dowson: A Classical Dictionary of Hindu Mythology & Religion. New Delhi: Rupa Co (2004) .

Weblinks

• Peter von Bohlen: Die Sprüche des Bhartriharis, Hamburg 1835.
• Timeless Subhashitas of Bhartrihari.