Bobbmige

Bottmingen
	Wappe vo Bottmingen
Basisdate
Staat:	Schwiiz
Kanton:	Basel-Landschaft (BL)
Bezirk:	Arlesheim
BFS-Nr.:	2767
Poschtleitzahl:	4103
Koordinate:	609876 / 263662Koordinate: 47° 31′ 25″ N, 7° 34′ 11″ O; CH1903: 609876 / 263662
Höchi:	295 m ü. M.
Flächi:	2.99 km²
Iiwohner:	6920 (31. Dezämber 2022)
Website:	www.bottmingen.ch
Charte
	Charte vo Bottmingen

Bobbmige, wo offiziell uf hochdütsch Bottmingen heisst, isch e politischi Gmeind im Bezirk Arlese im Kanton Basel-Landschaft.

Dialäkt: Baaseldütsch

Geographii

Bobbmige lit im Leimedal, wo men em wägem Birsig, wo dört duurefliesst, au Birsigdal sait. S Dorf isch am Fuess vom Bruederholz uf 295 m ü.M.

Sini Nochbergmeinde si Riinech, Oberwil, Binnige und d Stadt Basel. Alli die Ortschafte sind ganz zu einere Sidlig zämegwachse, wo e Deil vo der Agglomerazioon vo Basel isch.

D Flechi vo dr Gmeind bedräit 299 Hektare, drvo si 52 Brozänt Siidligsflechi, 28 Brozänt Landwirtschaftsgebiet und 20 Brozänt Wald.

Wappe

S Bobbmiger Wappe bestoht scho sit em Johr 1943. Es het zwei krüzti silbrigi Figuure uf eme rote Grund, ihri Bedütig cha me nit mit Sicherheit agää. Es isch s Siigel vom Basler Adelsgschlächt Schilling gsi, de ehemolige Bsitzer vom Bobbmiger Schloss.

Bevölkerig

27 Brozänt vo de Iiwohner si römisch-katholisch und 36 Brozänt reformiert.

Dr Usländeradeil i dr Gmeind bedräit 19.3 Brozänt.

Politik

D Gmeindipresidäntin isch d Mélanie Krapp (2017).

D Gmeindiversammlig drifft sich öbbe dreimol im Johr, im Juni, Oktober und Dezämber.

Verkehr

Bobbmige isch vom öffentliche Verkehr guet erschlosse. So fahrt d Tramlinie 10 (Rodersdorf–Basel–Dornech) dur Bobbmige und verschiideni Buslinie in alli Richtige ergänze s Tramagebot (34: Bobbmige–Basel–Rieche; 60: Muttez–Bobbmige–Biel-Bänke; 37: Bobbmige–Bruederholzspital–Basel; 59: Ortsbus). Dodrgege isch dr näggscht Aschluss a d Autobahn relativ wiit ewäg (z Muttez resp. z Basel).

Sehnswürdigkeite

s Weiherschloss

S Weiherschloss Bobbmige, wo zum erschte Mol imene Dokumänt vo anne 1363 erwähnt isch. Sit 1957 het’dinn e Restaurant, und s huus ghört em Kanton Basel-Landschaft.
S Dorfmuseum

Literatur

Brigitta Strub: Bottmingen In: Historisches Lexikon vo dr Schwiiz.
Hans-Rudolf Heyer: Die Kunstdenkmäler des Kantons Basel-Landschaft. Band I: Der Bezirk Arlesheim, mit Kantonseinleitung. (= Kunstdenkmäler der Schweiz. Band 57). Hrsg. von der Gesellschaft für Schweizerische Kunstgeschichte GSK. Bern 1969, DNB 457321989.

Weblink

Commons: Bottmingen – Sammlig vo Multimediadateie

Fuessnote

↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023

Dä Artikel basiert uff ere fräie Übersetzig vum Artikel „Bottmingen“ vu de dütsche Wikipedia. E Liste vu de Autore un Versione isch do z finde.

[1] Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023

[1]