Garteröötel

Garteröötel (Phoenicurus phoenicurus)
Gsang^ⓘ^/?

Systematik

Ordnig:	Spatzevögel (Passeriformes)
Underordnig:	Singvögel (Passeri)
Familie:	Flüügeschnäpper (Muscicapidae)
Underfamilie:	Schmätzer (Saxicolinae)
Gattig:	Rotschwänzli (Phoenicurus)
Art:	Garteröötel

Wüsseschaftlige Name

Phoenicurus phoenicurus

(Linnaeus, 1758)

De Garteröötel (Phoenicurus phoenicurus; alemanischi Näme) isch e Zugvogel, wo i Mitteleuropa brüetet. I de Alpe chan er bis 2400 müM vorchoo. Afangs Oktober flüüget d Garteröötel i di afrikanischi Sahelzoone. D Mandli cheeret im iigende Aprile zrugg und suechet gaigneti Bruethööline, wo denn echli spööter vom Wiibli uusgsuecht weret. Debii vertriibets au anderi Vögel, wo sich scho i guete Höölene iigrichtet hend.

Uussie

Bim Garteröötel underschaidet sich d Mandli und d Wiibli starch vonenand. S Wiibli het e bruuni Obersiite und de helle Buuch miteme Rosastich, de langi Schwanz isch röötsch. S Mandli het e graue Rugge und bruuni Flögel. De Chopf und s Chüni sind schwarz, öber de Auge isch e wiisse Straiife, d Chappe isch grau. De Buuch und de Schwanz sind rostroot. Garteröötel wered 13 bis 15 cm grooss, hend e Spannwiiti vo 20 bis 24 cm und wöget 12 bis 20 Gramm.

Lebeswiis

De Garteröötel lebt i Wädli, Bommert, Pärk und Gärte i Sidligsnööchi. S Nest bauets us Grääs und polsterets mit Mies, Federe und Hoor. Mandli wo sich paart hend singet nume i de Morgedämmerig, di andere Mandli de ganzi Taag.

Büecher

Urs N. Glutz von Blotzheim, K. M. Bauer: Turdidae/Erithacinae. Aula, Wiesbaden 2001, ISBN 3-923527-00-4 (Handbuch der Vögel Mitteleuropas. Band 11/1).
Stefan Ineichen (Hrsg.): Stadtfauna, 600 Tierarten der Stadt Zürich; Bern 2010; ISBN 978-3-258-07561-7
Heinz Menzel: Der Gartenrotschwanz. Ziemsen, Wittenberg 1971, ISBN 978-3-89432-215-1
A. Järvinen: Redstart (Phoenicurus phoenicurus). In: W. J. M. Hagemeijer, M. J. Blair: The EBCC Atlas of European Breeding Birds – their distribution and abundance. Poyser, London 1997, ISBN 0-85661-091-7, S. 524–525.
Heinz Staffelbach: Handbuch Schweizer Alpen; Bern 2008.ISBN 978-3-258-06895-4
L. Svensson, P. J. Grant, K. Mularney, D. Zetterström: Der neue Kosmos-Vogelführer. Franckh-Kosmos, Stuttgart 1999, ISBN 3-440-07720-9.

Weblink

Commons: Garteröötel – Sammlig vo Multimediadateie

Phoenicurus phoenicurus in dr Rote Lischt vu dr gfehrdete Arten vu dr IUCN 2008. Yygstellt vu: BirdLife International, 2008. Abgruefe am 29. Dezember 2008
Video, Foto und Tonufnahme zue Phoenicurus phoenicurus in dr Internet Bird Collection
xeno-canto: Tonufnahme  Common Redstart (Phoenicurus phoenicurus)
J. Blasco-Zumeta & G.-M. Heinze: Gschlechts- und Altersbstimmig (PDF; 3.5 MB)
Federe vom Garteröötel
ä Vogelhisli fir de Garteröödel baue