Hohner-Konservatorium
| Dialäkt: Schwäbisch |
S Hohner-Konservadorium z Trossenga[1] ischt a Hochschuel fir a musikalischs Studiom mit em Sitz en dr Hohnerstrôß 4/1. Dr Schwerpunkt leit em Bereich Akkordeon. Dui Eirichdong hôt d Form vo ra Gsellschaft mit beschrenkder Hafdong (GmbH). D Gsellschafder send d Firma Hohner Musikinstrumente GmbH & Co. KG, d Stadt Trossenga ond dr Landkreis Tuddlenga.[2] Vo de Musikhochschuela en Deitschland ischt s Hohner-Konservadorium oina vo de jengere; grendet wôrra isch se nemlich erscht vôr rond ama dreivirdl Jôhrhondert, em Jôhr 1931.
Ausbildongsgeng
ändere- Vorsemeschder zor Vorbereidong uff d Aufnahmepriafong
- Elektronische Taschdainschdrument, zom Beischbiil Keyboard ond Synthesizer
- Elementare Musikpädagogik
- Ausbildong vo Solischda – dô drfir kommet bloß ganz Hochbegabde en Frôg
- Leidong vo-ma Akkordeon-Orkeschder
- Ausbildongsgang Mundharmonika
- Akkordeon-Jazz ond Popularmusik
- Musikbearbeidong
Mr braucht mendeschdens a Studiom vo sechs Semeschder, om an Abschluss vo-ma staatlich priafda Musikpädagoga macha zo kenna.
Hauptfach-Dozenda
ändereAm Hohner-Konservadorium lehret 21 hauptamtliche Manna ond Fraua. Zuasätzlich geits noh – wia des bei jedra Hochschuel dr Fall ischt – a ganza Roihe vo Gaschtdozenda. Dr bekanndeschde vo de selle ischt viile Jôhr lang dr Hubert Deuringer gwäa.
Litradur
ändere- Wolfgang Eschenbacher: Das Hohner-Konservatorium Trossingen. Die Geschichte einer besonderen Ausbildungsstätte für Musiklehrer. Springer Verlag 2000, ISBN 978-3-9802675-2-6[3]
Weblink
ändereFuaßnoda ond oinzlne Nôchweis
ändere- ↑ Et zo vorwechsla mit dr Hochschuel für Musik z Trossenga, wos au noh geit!
- ↑ Über uns uff hohner-konservatorium.de abgruefen am 12. März 2019
- ↑ Geschichte und Location (Memento vom 16. Dezämber 2017 im Internet Archive) uff hohner-konservatorium.de abgruefen am 13. November 2015