Isidor vo Milet

Dr Isidor(os) vo Milet (* 442; † 537) isch e spootantike Archidekt, Füüsiker und Mathematiker gsi.

D Hagia Sophia.

Er het zämme mit em Anthemios vo Tralleis d Hagia Sophia im Ufdraag vom oströmische Kaiser Justinian I. baut. Die Hauptchille vo Konstantinopel gältet as äins vo de letschte groosse Bauwärk vo dr Antike. Am gliiche Blatz isch vorhäär die groossi Basilika vom Theodosius gstande, wo wääred em Nika-Ufstand im Joor 532 zerstöört worde isch.

Dr Isidor het in Alexandria Füüsik underrichdet und spööter an dr Uniwersidäät vo Konstantinopel. Er het uf Altgriechisch e Kommentar zum Wärk Über Gewölbe vom Heron vo Alexandrie gschriibe, wo hüte verloore isch. Im Isidor si Nöwöö, dr Isidor vo Milet dr Jüngeri het d Kupple, wo am 7. Mai 558 iigstürzt isch, bis 563 wider ufbaut.

Litratuur

• John Martindale: The Prosopography of the Later Roman Empire. Bd. 3. Cambridge 1992, S. 724.

Dä Artikel basiert uff ere fräie Übersetzig vum Artikel „Isidor_von_Milet“ vu de dütsche Wikipedia. E Liste vu de Autore un Versione isch do z finde.