Jahrzehnt

S Jahrzehnt, au Dekade oder Dezennium isch en Ziitruum von 10 Jahr.

I siinere schtrikte, mit Ordinalzahle versehene Bedüütig, wird s Jahrzehnt zur gschichtliche Ziitiiteilig verwendet, zum Biischpiil „s erschte Jahrzehnt vom zwänzgischte Jahrhundert“. Das hät natürlich erscht am 1. Januar 1901 aagfange und hät am 31. Dezember 1910 uufghört. (Lueg au Jahr Null).

Denebed gits di sogenannte „gebrüüchliche Dekade“, zum Biischpiil d „20er Jahr vom 20. Jahrhundert“. Die sind aber nöd völlig identisch mit em „dritte Jahrzehnt vom 20. Jahrhundert“, wil di erschteri, logischerwiis, s Jahr 1920 ii- und s Jahr 1930 uusschlüüsst, dr letschteri Begriff, genauso logisch, s Jahr 1920 uus- und degäge s Jahr 1930 mit iischlüüsst. Gwöhnlich werded di „usuelle Dekade“ au erscht ab de zwänzger Jahr ufwärts verwendet, vo „zehner“ Jahr z rede isch eher ungwöhnlich, „Nuller“ Jahre töönt komplett künschtlich. D Gschichtswüsseschaft verwendet drum vornehmlich di eigentliche Jahrzehnt.

I dr Politik wird dr Begriff „Dekade“ oder „Jahrzehnt“ au benutzt, um sich e Ziitspanne zur Erreichig vo Ziel vorzgeeh. Biischpiil us dr Arbeit vo dr UNO:

Jahrzehnt zur Zruggdrängig vo dr Malaria i de Entwickligsländer, insbesonderi in Afrika, vo 2001 bis 2010
Zweiti Internationali Dekade für d Besiitigung vom Kolonialismus, vo 2001 bis 2010
Internationali Dekade für e Kultur vom Friede und dr Gwaltfreiheit für d Chind vo dr Welt, vo 2001 bis 2010

De Kaländer, wo im dütsche Sprochruum verwändet wird, isch de Gregorianisch Kaländer.
S Datumsformat legt d Form fest, wie s Kaländerdatum und d Uhrzit dargstellt werre.
Johrtousend	Johrhundert	Johrzehnt	Johr	Monat	Wuch
Tag	Stund	Minute	Sekunde	Millisekunde
Ereignis vo me Johrzehnt Johrzehnt vo 1290 v. Chr. bis hüt		Ereignis vo me Johrzehnt ali Johr vun 400 v. Chr. bis hüt		Hischtorische Johrestag ali Dage vo me Johr
D Ziträchnig (Chronology) isch d Strukturierig vo de Zit.
Mit de zitlige Entwicklig vom Universum beschäftigt sich d Kosmology.
D Erdgschicht wird durch di Historischi Geology in de Geologische Zitskala underdeilt.
Innerhalb vo de Naturgschicht undersüecht d Paläontology d Läbewese und ihri Läbesumständ.

Dä Artikel basiert uff ere fräie Übersetzig vum Artikel „Jahrzehnt“ vu de dütsche Wikipedia. E Liste vu de Autore un Versione isch do z finde.