Chlinge

D Chlinge isch dr Hauptbestanddäil vo verschidnige Wärkzüüg und Waffe. Im äigentlige Sinn isch si s ganze Gräät, mit Usnaam vo de Däil, wo zum Heebe oder zum Schutz diene. Chlinge bezäichnet in dr Umgangssprooch au d Schniidi, dr gscherft Däil vo dr Chlinge.

Chlinge us Füürstäi

Chlinge bestöön mäistens us Metall, hützudags fast immer us Mässerstaal. Es git aber Spezialchlinge us Keramik, Titan-Legierige oder andere Legierige ooni Iise (z. B. Talonite). No sältener wärde au Kunststoff verwändet, wo zwar nid so guet schniide, aber vo Metalldetektore nit chönne ufgspürt wärde. Historisch si die erste Chlinge us Stäi, vilmol Füürstäi, gmacht gsi.

Chlinge het s bi Mässer, Dolch, Schwärter, Scherene, Äxt, Bütel und vile andere Wärkzüüg und Waffe zum Schniide und Stäche.

Dä Artikel basiert uff ere fräie Übersetzig vum Artikel „Klinge“ vu de dütsche Wikipedia. E Liste vu de Autore un Versione isch do z finde.