Ramadan

Dr Ramadan (arabisch رمضان ‎, DMG ramaḍān ‚dr häissi Monet‘) isch dr Fastemonet vo de Muslim und dr nünt Monat im islamische Mondkaländer. Noch dr islamische Uffassig isch in däm Monet dr Koran aabegschiggt worde. Dr Monet vorhäe im islamische Kaländer isch dr Scha'ban, dä nochhäär dr Schawwal.

D Sultan-Ahmed-Moschee z Istanbul mit dr dradizionelle Ramadan-Belüüchdig Mahya.

D Mondsichle über de Palme am Sunneundergang z Manama, wo s Zäiche isch für dr Aafang vom Ramadan in Bahrain.

S Fest vom Fastebräche (arabisch: id al-fitr / türkisch: Ramazan bayramı) am Ändi vom Ramadan isch noch em Opferfest dr höggst islamisch Fiirdig.

Dr Ramadan foot aa, wenn Züüge die nöi Mondsichle (hilal) am Ändi vom letschte Daag vom Monet Scha’ban chönne gsee und er goot z Änd, wenn Züüge d Mondsichle am letschte Daag vom Monet Ramadan entdegge. Wääred em ganze Monet darf am Daag wenn s hell isch, weder gässe no drunke wärde. Au Rauche und Sex si verbote und überhaupt alles, wo mä as Sünd cha aaluege. Mit em Iibruch vo dr Nacht wird s Faste broche (fitr /iftar) und denn daf mä bis zur Morgedämmerig ässe und drinke. S letschte Mööli vo dr Nacht, s sogenannte sahūr (سحور / saḥūr ) findet im letschte Driddel vo dr Nacht statt. Vo däm muess mä denn dr ganz Daag lääbe. Das cha vor allem in de Joor seer schweer si, wo dr Ramadan im Summer chunnt. In vile islamische Länder goot in däm Moonet die wirtschaftligi Däätikäit zrugg und s Lääbe findet vor allem z Nacht bim Fiire statt.

Litratuur

• Peri J. Bearman u. a. (Hrsg.): The Encyclopaedia of Islam. New Edition. Brill, Leiden 2004, ISBN 90-04-14114-6 (1 CD-ROM).
• Georg Jacob: Der muslimische Fastenmonat Ramadan. In: Jahresbericht der Geographischen Gesellschaft zu Greifswald. Bd. 6, Teil 1, 1893/1896, ZDB-ID 517435-1, S. 1–33.
• Klaus Lech: Geschichte des islamischen Kultus. Rechtshistorische und ḥadīṯ-kritische Untersuchungen zur Entwicklung und Systematik der ʿIbādāt. Band 1: Das ramaḍān-Fasten. Teil 1. Otto Harrassowitz, Wiesbaden 1979, ISBN 3-447-01943-3.
• Bertold Spuler: Con Amore, oder: Einige Bemerkungen zur islamischen Zeitrechnung. In: Der Islam. Band 38, 1963, ISSN 0021-1818, S. 154–160.
• Kees Wagtendonk: Fasting in the Koran (= Dissertationes ad historiam religionum pertinentes. Band 2, ZDB-ID 281799-8). Brill, Leiden 1968 (änglisch).
• Arent Jan Wensinck, Johannes H. Kramers (Hrsg.): Handwörterbuch des Islam. 2. Auflage. Brill, Leiden 1976.
• Annemarie Schimmel: Allah, Koran und Ramadan - Alltag und Tradition im Islam. Patmos, Ostfildern 2012, ISBN 978-3-84360-167-2.

Weblingg

• www.feste-der-religionen.de – Erläuterungen zum Fastenmonat Ramadan
• www.mondsichtung.de – Eine islamisch-astronomische Seite zur Mondsichtung
• „Ramadan, der Monat des Konsums“, Telepolis, 30. Oktober 2005
• Artikel über Freuden und Leiden im Ramadan. In: Wiener Zeitung, 14. August 2009
• Islamic-Western Calendar Converter (Based on the Arithmetical or Tabular Calendar)
• The Umm al-Qura Calendar of Saudi Arabia
• Muslime in Deutschland einigen sich 2008 erstmals auf einen einheitlichen Ramadankalender

Dä Artikel basiert uff ere fräie Übersetzig vu dere Version vum Artikel „Ramadan“ vu de dütsche Wikipedia. E Liste vu de Autore un Versione isch do z finde.