Saint-Pierre und Miquelon

Saint-Pierre und Miquelon isch e chliini Inselgruppe östlig vo dr kanadische Küste, öbbe 25 Kilometer südlig vo Neufundland. Es läbe dört guet 6300 Mensche. D Haupterwärbszwiig vo dr frankophone Bevölkerig si d Fischerei und dr Tourismus. D Hauptstadt heisst Saint-Pierre.

Saint-Pierre-et-Miquelon Saint-Pierre und Miquelon
{{{ARTIKEL-FLAGGE}}} {{{ARTIKEL-WAPPEN}}}
Amtsspraach	Französisch
Hauptstadt	Saint-Pierre
Flächi	242 km²
Iiwohnerzahl	5925 (1. Januar 2020)
Bevölkerigsdichti	24,5 Iiwohner pro km²
Währig	Euro (€) 1 Euro = 100 Cent
Zitzone	UTC -3
Internet-TLD	.pm
Vorwahl	+508

D Insle si dr letzt Räst vo dr französische Kolonii Neufrankriich und si sit 1816 französischs Überseegebiet (Collectivité d'outre-mer, COM).

Geographii

D Inselgruppe bestoht us de Insle Saint-Pierre (26 km²), Miquelon-Langlade (205 km²) und wiitere chliineren Insle und het e Gsamtflechi vo 242 km². Früehner si d Insle Miquelon und Langlade drennt gsi, hüte si si über e schmalen Isthmus verbunde.

S Klima isch rau und windig. D Johresdurchschnittstämpratur lit bi öbbe 5 °C, d Luftfüechtigkeit bi über 80 %. Es het hüfig starke Näbel, bsunders im Früehlig und im Früehsummer. Im Verheltnis zu Kanada näbe dra si d Winter mild, aber es git doch 120 Frostdäg im Johr. D Durchschnittstämprature im Summer lige meistens zwüsche 10 und 20 °C.

Bevölkerig

Uf de Insle läbe 6.345 Iiwohner, 5.707 drvo uf Saint-Pierre, uf Miquelon und Langlade läbe nume 638. 1967 het Saint-Pierre no 4565 Iiwohner gha und Miquelon-Langlade 621, zsämme also 5.186

Sprooche

Uf Saint-Pierre und Miquelon wird Französisch gschwätzt. Bis ins 20. Johrhundert het aber au e Deil vo dr Bevölkerig Baskisch gredet.

Weblingg

•  Commons: Saint-Pierre und Miquelon – Sammlig vo Multimediadateie

Fuessnote

46.844166666667-56.319166666667