Verismus

Dr Verismus (ital. verismo, vo vero ‚woor‘) het ursprünglig e Ströömig in dr italiänische Liddratuur im 19. Joorhundert mit sozialkritische Ziil bezäichnet, wo s Lääbe vo de Buure und Fischer genau beschriibe het. Vo däm ursprünglige begriff us het mä am Ändi vom 19. Joorhundert ere Richdig vo dr italiänische Opere eso gsäit. Sit em Aafang vom 20. Joorhundert het dr veristischi Film z Italie en äigeni Dradizioon usgmacht. Sit de 1920er Joor het mä dr Begriff z Dütschland au in dr Kunstkritik brucht.

Die veristischi Liddratuur

As Verismus bezäichnet mä e Ströömig in dr italiänische Liddratuur sit öbbe 1830, wo konzeptuell em Realismus und em Naturalismus äänlig isch. D Liddratuur het sich mit dr Geegewart und em Alldaag befasst, dr Volkssprooch und de undere soziaale Schichte. E groosse Iifluss häi die franzöösische Naturaliste wie dr Emile Zola und die russische realistische Autoore wie dr Lew Nikolajewitsch Tolstoi uf e Verismus ghaa.

D Hauptverdräter vom Verismus z Italie si dr Giovanni Verga und dr Luigi Capuana gsi. Dr Capuana isch au Theoretiker gsi und het d „poesia del vero“ eso definiert: Im Underschiid zum Naturalismus brobiert dr Verismus nit möögligst unpersöönlig und „objektiiv“ z beschriibe, sondern het en äigene Standpunkt und erkläärt dä. Wäärend dr Verga und dr Capuana sich hauptsächlig mit Sizilie befasst häi – dr Giovanni Verga het 1880 die Siziianische Novälle veröffentligt –, get s veristischi Autoore für anderi Regioone gee, wie übbe d Grazia Deledda für Sardinie.

Liddratuur

• Ludger Alscher (Hrsg.): Lexikon der Kunst in fünf Bänden. Architektur, bildende Kunst, angewandte Kunst, Industrieformgestaltung, Kunsttheorie. Band 5: T – Z. Verlag Europäisches Buch, Berlin 1981, ISBN 3-88436-112-0, S. 400 f.
• Hans-Joachim Wagner: Fremde Welten. Die Oper des Verismo. Metzler, Stuttgart u. a. 1999, ISBN 3-476-01662-5 (Zugleich: Köln, Univ., Habil. - Schr., 1997).
• Anita Beloubek-Hammer: Gefühl ist Privatsache. Verismus und Neue Sachlichkeit. Aquarelle, Zeichnungen und Graphik aus dem Berliner Kupferstichkabinett mit Leihgaben. Imhof Verlag, Petersberg 2010, ISBN 978-3-86568-585-8.
• Birgit Dalbajewa; Staatliche Kunstsammlungen Dresden, Galerie Neue Meister (Hrsg.): Neue Sachlichkeit in Dresden Sandstein Verlag, Dresden 2011, ISBN 978-3-942422-57-4.

Dä Artikel basiert uff ere fräie Übersetzig vum Artikel „Verismus“ vu de dütsche Wikipedia. E Liste vu de Autore un Versione isch do z finde.