Hilf:Single-User-Login

Hilf

Namesruum

S Single-User-Login (SUL, au Single Login odder Unified Login, öbbe „Eimolaamäldig“) isch e Funktion mit em Ziil, e eiheitligi Aamäldig für alli Wikimedia-Wikis z schaffe.

Grundlage

Friehjer hät mer, we'mer uff mehrere Wikimedia-Projäkt hät wölle als aagmäldete Nutzer aktiiv sii, uff jedem gwünschte Projäkt e neus Nutzerchonto mieße erstelle. Säll isch bsunders für Lüt schwirig gsi, wu uff mehrere Projäkt aktiiv gsi sin, un au s Uffelade vu Datäie uff d'Commons hät e eiges Chonto gfordert. Dezüe chunnt, dass es Namenskomflikt gee hät: es isch vorchuu, dass zwei Nutzer uff zwei Projäkt Chonte mit em gliiche Namme erstellt hänn un mer si verwechselt hät odder nit hät chönne sicher sii, dass es di gliichi Person isch.

S Single-User-Login (SUL) soll in Züechumft jedem Nutzer, wu sich neu aamäldet, e globals Nutzerchonto züewiise. Mer isch also wältwit registriert un müeß sich nit allewiil neu aamälde, we'mer uff e anders Projäkt goht. Wär au no sini E-Mail-Adräss aagee wott, cha säll eimol mache un müeß säll eimol bstetige un es isch wältwit, projäktübbergrifend festglèggt.

Was s SUL nit ändert

Bevor mer s Nutzerchonto s erst Mol nutzt, müeß mer sich uff em jewiilige Projäkt iilogge, müeß allerdings kei neus Nutzerchonto meh erstelle. Wenn dii Namme nò nit vergee isch, no wird säll automatisch vergee, sust müesch d'Übbernahm vum Nutzernamme beaadrage.
D'Funktion ändert nütt an de Rächt, wu öbber i'me-ne bstimmte Wiki hät. D'Benutzerrächt were witerhii lokal festglèggt, numme einzelne Benutzergruppe wie Stewards chönne globali Rächt gee were.
D'Benutzerdiskussionssite bliibe erhalte un nit uff irgende Art zämmegfasst. Es isch zwar in Planig, dass spöter e globali Funktion zur Benochrichtigung iigrichtet wird, sodass d'Software eine au informiert, we'mer uff eme andere Projäkt e Nochricht griegt hät, im Momänt cha mer allerdings numme s gWatch vum Luxo verwände.
Di persönlige Iistellige bliibe lokal, d. h. öbber cha uff verschidene Wikis all no verschideni Iistellige ha.
S SUL isch numme für Wikis vu de Wikimedia Foundation do. Lüeg au de Abschnitt Unterstützti Projäkt

Us: m:H:UL#What it doesn't change.

Umstellig

S SUL wircht sich nit numme uff neui, sundern au uff elteri Nutzerchonte us. Johrelang sin lokali Chonte aaglèggt wore, sällewäg mien si jetz zämmegfiehrt were. Wär sich vor em 22. August 2008 registriert hät, hät nò nit automatisch e globals Chonto; d'Zämmefiehrig isch fräiwillig, abber empfohle. Sit em 22. August 2008 wird automatisch e globals Chonto iigrichtet, wenn's nit scho uff eme andere Projäkt eins mit em gliiche Namme hät, wu nit globalisiert isch.

Ablauf

Wenn de d'Spezialsite MergeAccount uffriefsch, no versüecht s System zerscht emoll, Nutzerchonte mit em gliiche Namme zämmezfiehre.

Zerscht lüegt's noch, ob alli Nutzerchonte mit dinem Namme au dir ghöre. Dodezüe were E-Mail-Adräss un Basswort vergliche. Sin si idäntisch mit denne uff em Projäkt, wu de gradd bisch, no wird s Chonto automatisch dir züegordnet.

Soball e Chonto gfunde wird, wu säll nit erfüllt isch, wirsch noch em Basswort vu demm Chonto gfroggt, sodass es au dir züegordnet were cha. Wenn's wirklig nit dir ghört, no cha's demmnoch nit dir züegordnet were. Säll gältet au für Nutzerchonte ohni Biidreg.

Jedem Nutzernamme isch e Heimetwiki züegordnet. Dört hät de Benutzer

erwiterti Rächt (z. B. Administrator^[1]) odder
di meiste Bearbeitige.^[2]

Bispil: E Nutzer hät in de alemannische Wikipedia 2.000 Biidreg gmacht un in de italiänische 1.000. Eso wird di alemannischi Wikipedia s Heimetwiki, wenn de Nutzer abber uff em italiänische Projäkt Administrator wär, no det säll zum Heimetwiki were.

Jetz sin alli Nutzerchonte, wu dir ghöre, identifiziert. Deno lüegt d'Software noch, ob au s Heimetwiki debii isch. Wenn demm eso isch, no chasch d'Zämmefiehrig mit em nechste Iilogge bstetige, sust chasch kei globals Chonto mit demm Namme erstelle.

Wenn de in e Wiki chunnsch, wu's no kei Chonto mit dinem Namme hät, no wird unter em SUL-Namme automatisch e neus Chonto erstellt un mit em SUL-Chonto verbunde.

Zu de unterstützte Wikis ghöre alli Wikipedias, Wiktionarys, Wikibooks, Wikinews, Wikiquotes, Wikisources un Wikiversitys, meta, d'Allmänd (Commons), mediawiki un species.^[3]

Züechümftigi Funktione

Irgendwänn (übber de Zitpunkt isch nò nit entschide wore) wird's e Zwangszämmefiehrig gee. Alli Nutzerchonte, wu zu säller Zit nit zämmegfiehrt wore sin, were automatisch zämmegfiehrt; dodebii goht d'Software wie bi de manuälle, fräiwillige Zämmefiehrig (lüeg obe) vor. We'mr bim obige Bispil bliibe, no det di alemannischi Wikipedia s Heimetwiki were. Wenn s italiänisch Chonto nit im gliiche Nutzer züegwise isch, no wird's zwangsumbenännt.

Hüfigi Froge

Cha-n-i e främds Nutzerchonto mit null Bearbeitige minem globale Chonto züefiege?

Dodezüe müeß e Bürokrat vum entsprächende Projäkt s Choto umnänne. Deno chasch di mit em globale Chonto dört iilogge.

Cha-n-i au e Nutzerchonto zu minem globale Chonto züefiege, wu e andere Namme hät?

Jo, wenn's kei lokals Nutzerchonto mit em gwünschte Namme hät, no cha e Bürokrat s Chonto uff de global Namme umnänne. Wenn de scho e globals Chonto häsch, no müeß mögligerwis dii lokale Ableger übbernuu were. Wenn de no moll d'Zämmefiehrigssite bruuchsch, no wird s gliichnamig Chonto dinem globale züegfiegt.

Wie cha-n-i mii globals Chonto umnänne?

E globals Chonto cha nit umgnännt were. De chasch höchstens uff jedem Wiki, wu s Chonto registriert isch, einzeln e Umnännig durch e Bürokrat beaadrage (wenn's neume keini Bürokrate hät, no wird d'Umnännig durch e Steward erledigt). Uff meta:Steward requests/SUL requests chasch Umnännige für Wikis ohni Bürokrat beaadrage.

Cha-n-i s Heimetwiki ändere?

Säll goht im Momänt nit, es wird abber draa gschafft.

Gschicht

Am 25. Merz 2008 isch SUL in ere erste Phase für Ammanne aktiviert wore. Eso hät mer wölle vermiide, dass e allzüe großes Chaos entstoht, un sicherstelle, dass eventuälli Fehler glii an d'Entwickler widdergee were.^[4]

Sit em 27. Mai 2008 chönne au Nit-Ammanne d'Funktion bruuche.

Unterstützti Projäkt

S Single User Login isch im Momänt möglig bi alle Wikipedias, Wiktionarys, Wikibooks, Wikinews, Wikiquotes, Wikisources, Wikiversitys un bi sälle Projäkt:

Lüeg au

Dokumentation im Meta-Wiki (änglisch)
Dokumentation im Meta-Wiki (dütschi Übbersetzig)
Kollisione vu Nutzernämme finde (änglisch)
Liste vu alle globale Chonte (änglisch)
Globali Benutzerliste – zeigt di globale Chonte, wu's gitt, un ob si lokal verbunde sin/existiere

Füeßnote

↑ Im Momänt wird nò nit zwüsche Administratore un Bürokrate unterschide, säll wird abber villiccht no gändert, sodass d'Rächt gstaffelt were. Bürokrate dete deno wäre ihrem hoche Status bevorzugt were, es isch abber nit chlor, ob d'Funktion wirkli aktiviert wird.
↑ Mögligerwis wird au übberprieft, ob eins vu de Chonte gsperrt isch; es det deno als Heimetwiki nümi in Frog chuu. D'Implementierig dodevuu isch abber nit sicher.
↑ Zur aktuälle Liste lüeg „$wgCentralAuthAutoLoginWikis“ uff http://noc.wikimedia.org/conf/highlight.php?file=CommonSettings.php ; e aktuälli Ufflistig vu alle Wikis vu de WMF findet sich unter Spezial:SiteMatrix.
↑ lüeg mailarchive:wikitech-l/2008-March/036986.html

[1] Im Momänt wird nò nit zwüsche Administratore un Bürokrate unterschide, säll wird abber villiccht no gändert, sodass d'Rächt gstaffelt were. Bürokrate dete deno wäre ihrem hoche Status bevorzugt were, es isch abber nit chlor, ob d'Funktion wirkli aktiviert wird.

[2] Mögligerwis wird au übberprieft, ob eins vu de Chonte gsperrt isch; es det deno als Heimetwiki nümi in Frog chuu. D'Implementierig dodevuu isch abber nit sicher.

[3] Zur aktuälle Liste lüeg „$wgCentralAuthAutoLoginWikis“ uff http://noc.wikimedia.org/conf/highlight.php?file=CommonSettings.php ; e aktuälli Ufflistig vu alle Wikis vu de WMF findet sich unter Spezial:SiteMatrix.

[4] üeg mailarchive:wikitech-l/2008-March/036986.html

[1]

[2]

[3]

[4]