Barrachina

	Barrachina
	Municipio d'Aragón
	; Trinquet de Barrachina.
Entidat; • País; • Provincia; • Comarca	Municipio; Aragón; Teruel; Xiloca
Partiu chudicial	Calamocha
Superficie	24,9 km²
Población; • Total	; 120 hab. (2013)
Altaria; • Meyana	; 1047 m.
Distancia; • 77 km	; enta Teruel
Codigo postal	44220
Chentilicio	Barrachineros
Parroquial; • Diocesi; • Arcipestrau; • Parroquia	; Teruel y Albarracín; Calamocha; Ntra. Sra. de l'Asumpción
Río	Barrachina
Coordenadas	40°53’45’’N 1° 8’18’’U
	Barrachina Barrachina en Aragón

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Barrachina ye un municipio de la provincia de Teruel (Aragón), situau en la comarca de Xiloca. La suya población ye de 120 habitants, en una superficie de 24,9 km².

Cheografía

Barrachina ye situada en lo forcallo an que s'achunta l'arroyo de Nueros con lo río de Barrachina, en una zona a on que la val s'ixampla y bi ha una ampla huerta.

Mugas

Lo suyo termin municipal muga con Torreciella, con Torre los Negros, con Cosa y con Calamocha.

Toponimia

Lo toponimo Barrachina se puet interpretar como un diminutivo toponimico de Barraca^[2]. La lei fonetica que fa que i haiga una africada ch debant de la i en este toponimo puet estar mozarabe, con ch debant de i. Manimenos en Ribagorza bi ha un microtoponimo Barrachina que replegan las Guías Prames.

La primera mención ye de 1132 y se menciona como una de las mugas de lo reino d'Alifonso I lo Batallero:

Regnante domino nostro Iesu Christo sine fine, et sub eo Adefonso Sancii regnante de Montson usque Bilforato et antigua Castella et usque Sancto Stephane de Gormaz et Monte Regale versus Barraçina et usque Castello Orta dicto, sex millibus distans a Tortosa et infra. Uenerauili episcopo Sancio Ossetano alumno, presidente prefate sedi in universo eius episcopatu

En la "Documentación medieval de la Cort de lo Chusticia de Ganaders de Zaragoza" se puet veyer escrito como Barragina.^[3]

Bi ha bel microtoponimo que puede tener orichen u influencia aragonesa como lo mont Casetas, Cerro Barbacán, Cerro del Rendario y Molino de Bernal.

Luengas y parlas

Actualment en Barrachina, como en toda la comarca de Xiloca se charra lo castellano rechional d'Aragón, con substrato lingüistico provinient de l'aragonés que se charró en la Edat Meya en las comunidatz de la muga suroccidental de lo Reino d'Aragón. Lo lexico aragonés d'intrés etnografico de Barrachina se conoix relativament bien por figurar esta localidat en l'ALEANR con la sigla Te 104^[1]. La revista Xiloca tamién ha publicau estudios sobre vocabulario local y articlos de tematica medieval con apendices documentals que amuestran l'aragonés que s'escribiba en esta comarca en la baixa Edat Meya.

Historia

En o sieglo XV perteneixeba a la Comunidat de Daroca.^[4]

Demografía

Evolución demografica

1992	1994	1996	1997	1998	1999	2000	2001	2002
-	-	-	-	170	161	163	162	164

2003	2004	2005	2006	2007	2008	2009	2010	2011
156	164	157	156	150	159	157	167	145

2012	2013	2014	2015	2016	2017	2018	2019	2020
143	148	137	133	129	121	118	112	109

2021	2022	2023	2024	2025	2026	2027	2028	-
113	116	-	-	-	-	-	-	-

1990- : población de dreito.
Fuent: Intercensal en l'INE, Series de población en l'INE y Relación d'unidaz poblacionals en l'INE.

Administración

Reparto de concellers

Eleccions municipals
Partiu	1979	1983	1987	1991	1995	1999	2003	2007	2011
Partido Popular									4
Total									5

Alcaldes

Lista d'alcaldes
Lechislatura	Nombre	Partiu politico
1979–1983	Braulio José Ferreruela Gómez	Unión de Centro Democrático
1983–1987
1987–1991
1991–1995
1995–1999
1999–2003
2003–2007	Valentín Gómez	Partido Popular
2007–2011	Antonio Agustín Zabal Corbatón	Partido Popular
2011–2015	Antonio Agustín Zabal Corbatón	Partido Popular
2015–2019
2019–2023
2023–2027	Juan Carlos Burillo Fortun ^[5]	PP

Puestos d'intrés

Ilesia de l'Asumpción.
Ermita de Sant Ramón.
Trinquet.

Fiestas

19 de chinero, Sant Fabián y Sant Sabastián.
26 de chulio, Sant Chaime y Santa Ana.

Referencias

↑ ^1,0 ^1,1 (es) Manuel Alvar: Atlas lingüístico y etnográfico de Aragón, Navarra y Rioja. Institución Fernando el Católico. Departamento de Geografía Lingüística, Institución Fernando el Católico de la Excma. Diputación Provincial de Zaragoza, 1983. Tomo I, Lamina 3, Mapa nº 3.
↑ (es) Julián Miguel Ortega Ortega: Señores y aldeas en las tierras del Jiloca a principios del siglo XII, en Comarca del Jiloca, Zaragoza, Gobierno de Aragón, p 92.
↑ (es) Jose Antonio Fernández Otal: Documentación medieval de la Corte del Justicia de Ganaderos de Zaragoza: y, Ordinaciones de la Casa de Ganaderos de Zaragoza del año 1511, Número 21. Institución Fernando el Católico, 1995.
↑ (es) Fernando Arroyo Ilera División señorial de Aragón en el siglo XV (PDF) en Saitabi: revista de la Facultat de Geografia i Història, ISSN 0210-9980, Nº. 24, 1974, pp. 65-102
↑ (es) Consulta el listado de alcaldes que han sido proclamados en Aragón en Heraldo de Aragón.

Veyer tamién

Lista de municipios de Teruel.

Municipios d'a comarca de Xiloca

Datos: Q1653300
Multimedia: Barrachina / Q1653300

[ALEANRI-1] 1,0 ^1,1 (es) Manuel Alvar: Atlas lingüístico y etnográfico de Aragón, Navarra y Rioja. Institución Fernando el Católico. Departamento de Geografía Lingüística, Institución Fernando el Católico de la Excma. Diputación Provincial de Zaragoza, 1983. Tomo I, Lamina 3, Mapa nº 3.

[RECONQUIESTAXILOCA-2] (es) Julián Miguel Ortega Ortega: Señores y aldeas en las tierras del Jiloca a principios del siglo XII, en Comarca del Jiloca, Zaragoza, Gobierno de Aragón, p 92.

[3] (es) Jose Antonio Fernández Otal: Documentación medieval de la Corte del Justicia de Ganaderos de Zaragoza: y, Ordinaciones de la Casa de Ganaderos de Zaragoza del año 1511, Número 21. Institución Fernando el Católico, 1995.

[4] (es) Fernando Arroyo Ilera División señorial de Aragón en el siglo XV (PDF) en Saitabi: revista de la Facultat de Geografia i Història, ISSN 0210-9980, Nº. 24, 1974, pp. 65-102

[5] (es) Consulta el listado de alcaldes que han sido proclamados en Aragón en Heraldo de Aragón.

[1]

[2]

[3]

[4]

[5]