Batalla de Stalingrado

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Batalla de Stalingrado
Segunda Guerra Mundial
Posición esfensiva d'o Exerxito Royo en chinero de 1943.
Información cheneral
Calendata: Dende o 21 d'agosto de 1942 dica o 2 de febrero de 1943
Puesto: Stalingrado
Resultau: redota decisiva de l'Eixe
En conflicto
Alemanya Croacia Italia Hongría Rumanía.	Unión Sovietica
Comandants
Friedrich Paulus Erich von Manstein Hermann Hoth Wolfram von Richthofen Viktor Pavičić Italo Gariboldi Gusztav Jany Petre Dumitrescu Constantin Constantinescu	Georgi Zhukov Vassili Chuikov Semion Timoshenko Konstantin Rokossovsky Rodion Malinovsky Andrei Yeremenko Nikita Khrushchev Hazi Aslanov
Soldaus
Grupo d'Exercitos B: 6º Exercito alemán 4º Exercito Panzer 3º Exercito rumano 3º Exercito rumano 8º Exercito italiano 2º Exercito hongaro Lechión Croata Alacez: 270.000 hombres 3.000 canyons 500 tanques 600 avions (1.400 avions a meyatos de setiembre con a Luftflotte 4). Contraofensiva sovietica: 1.011.000 hombres 10.250 canyons 675 tanques 732 avions.	Frent de Stalingrado Frent d'o Sudueste Frent d'o Don 62º Exercito fundamentos: 187.000 hombres 2.200 canyons 400 tanques 300 avions. Contraofensiva sovietica 1.103.000 hombres 15.501 canyons 1.463 tanques 1.115 avions.
Baixas
800.000 muertos y feritos De 91.000 a 110.000 presoners	mas d'1 millón d'habitants civils d'a ciudat muertos 478.741 muertos y desapareixitos 650.878 feritos

A Batalla de Stalingrado ye una batalla d'o Frent Oriental en a Segunda Guerra Mundial, considerata como o punto d'inflexión d'a guerra en o Frent Oriental y a batalla que fació mes mortalera d'a historia d'a humanitat, comparata a vegatas con o segundo setio de Zaragoza.

S'i enfrontinoron as tropas d'a Wehrmacht alemana d'o Tercer Reich y los suyos aliaus (Regio Esercito italiano, Exercito rumano, Exercito hongaro y unidaz menors de tropas de Croacia) y l'Exercito royo sovietico entre o 21 d'agosto de 1942 (encomenzamiento d'o setio de Stalingrado por as fuerzas de l'Eixe) y lo 2 de febrero de 1943 (rendicion d'o 6º Exercito alemán). Estió una victoria decisiva d'os sovieticos. As fuerzas de l'Exe perdioron 850.000 hombres, u siga, un cuarto d'as suyas fuerzas en o Frent Oriental, y muito material. No bi ha cifras oficials d'as perdas humanas sovieticas por a censura estalinista. As Potencias de l'Eixe nunca ya no podioron recuperar-sen y encomenzoron una larga retirata.

A luita en a ciudat prencipió luego de que Hitler prenió a decisión de conquerir a ciudat de Stalingrado, que portaba o nombre de Stalin, o líder d'a Unión Sobietica. Ta lograr iste obchectivo, bi ninvió as prencipals fuerzas que, seguntes o Fall Blau, teneban que abanzar dica o Caucaso ta conquerir os pozos petroliferos d'a redolada, que yeran a prencipal fuent de suministro d'iste combustible estratechico ta o Exercito Royo. Prencipió asinas una luenga serie de luitas en o corazón d'a ciudat, luitas que desgastoron o potencial militar d'a Wehrmacht, que habría estato millor emplegato en os territorios ubiertos d'a Unión Sovietica. En istas luitas as tropas alemanas no logroron a conquiesta total d'a ciudat, y dende noviembre de 1942 una contraofensiva d'o Exercito Royo contra as alas d'o dispositivo alemán, confiatas a os exercitos rumano y hongaro, con muit poca capacidat esfensiva, redotoron a istas tropas y cercloron a o 6º Exercito alemán. Os alemans cerclatos, mandatos por Friedrich Paulus, se rindioron a os sovieticos o 2 de febrero de 1943, rematando asinas a batalla con una clara victoria sovietica, encara que tropas panzer mandatas por Erich von Manstein miroron de rescatar a las tropas cerclatas. Antiparte, en as operacions de suministro d'as tropas cerclatas, a Luftwaffe, a fuerza aeria d'o Tercer Reich, mandata por Wolfram von Richthofen, tamién tenió perdas considerables de material y de pilotos experimentatos.

Vinclos externos

• Se veigan as imáchens de Commons sobre a batalla de Stalingrado.

Referencias

• Datos: Q38789
• Multimedia: Battle of Stalingrad / Q38789