Carlismo
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Movimiento popular surtiu en 1833 arredol d'una disputa dinastica per lo trono. Entre lo sieglo XIX protagonizó diversas rebelions armadas contra los Gubiernos liberals de Madrid, que en tres ocasions s'extendioron per lo territorio y se prolongaron en o tiempo pro como desencadenar una guerra civil. La suya fuerza veniba motivada per lo suyo gran arraigo entre lo campesinado d'as nacions perifericas d'o Estau espanyol. Este arraigo popular s'explica per las reivindicacions socials y federals que desenvolvioron los carlistas en oposición tanto a lo liberalismo economico como a lo centralismo madrilenyo.
 |
Por favor, edita-lo ta cumplir con ellas. No borres iste aviso dica que no l'haigas feito. Colabora wikificando! |
La Primera Guerra Carlista, en a cual destacó lo cheneral Ramón Cabrera como lider d'os carlistas aragoneses y valencianos, se desenvolvió entre los anyos 1833 y 1840. La Segunda, que estió muito localizada en Cataluña, entre 1846 y 1849. La Tercera, en a cual s'articuló una Monarquía federal con o restablimiento d'as antigas deputacions forals como la Deputación d'o Reino d'Aragón, entre 1872 y 1876.
A zaguers d'o sieglo XIX y inicios d'o sieglo XX destacoron en o Partiu Carlista d'Aragón diversos miembros d'a familia Comín.
En 1931 lo Partiu Carlista, dimpués d'incorporar a lo Partiu Integrista, pansa a denominar-se Comunión Tradicionalista. Entre la II Republica, la Comunión Tradicionalista s'oposará a lo Gubierno y a las suyas politicas laicistas. En 1936, los requetés, la milicia d'a Comunión Tradicionalista, participan en a sublevación d'o 18 de chulio. Dimpués d'a plegada a lo poder de Franco y la promulgación d'o Decreto d'Unificación, per lo cual s'imposaba un sistema fascista de partiu solo, la Comunión Tradicionalista será ilegalizada.
Entre la posguerra, la Comunión Tradicionalista será reorganizada en a clandestinidat arredol d'o liderazgo d'o principe Don Javier de Borbón-Parma y d'os suyos representant politico en Espanya, Manuel Fal Conde. Entre la II Guerra Mundial la Comunión Tradicionalista adoptará una postura d'ubierta belicherancia con Franco y la Falange, reivindicando la restauración d'os fueros y d'os gremios.
En a decáda de 1950, en os sectors obrers y estudiantils d'a Comunión Tradicionalista s'encieta una evolución enta la zurda socialista. Esta evolución estió muito influenciada per lo catolicismo progresista, lo Concilio Vaticano II y la filosofía de Mounier. Entre estes anyos los carlistas aragoneses participasen activament en as concentracions anyals de Montejurra (Navarra). Seguntes la Gran Enciclopedia Aragonesa, dende lo decenio d'os anyos 1950 "los carlistas aragoneses se distinguioron per la suya participación y colaboración directa en a evolución ideolochica d'o carlismo, con a creyación y continación d'importants obras de tipo cultural", como lo Cerclo Cultural Vázquez de Mella de Zaragoza (que contaba con delegacions en atras localidaz aragonesas como Borja), la editorial SUCCVM (dirichida per Esteban Escobar Frauca dica lo suyo forzau exilio) u la revista Esfuerzo Común (creyada en 1960 y represaliada en multiples ocasions con pinyoras, expedientes y secuestros per lo rechimen franquista). Miembros d'o Cerclo Cultural Vázquez de Mella se caracterizaron per la suya presencia en a vida social dende una perspectiva progresista y aragonesista dende los suyos comienzos. Los grupos obrers y estudiantils d'o Cerclo Cultural Vázquez de Mella destacoron per la suya participación en os movimientos unitarios d'oposición a la dictadura (las Comisions Obreras en l'ambito laboral, las luitas contra lo SEU en a Universidat, etc.).
La evolución rematará con tres Congresos celebraus en Arbonne (Iparralde) entre 170 y 1972. En 1971 se decide recuperar la denominación primitiva de Partiu Carlista en substitución d'a de Comunión Tradicionalista. A partir d'os zaguers cambios organizativos desenvueltos con motivo d'os tres Congresos de 1970-1972, los sectors obrers y estudiantils d'o Cerclo Cultural Vázquez de Mella, totalment identificaus con o socialismo autogestionario, s'integroron en os Frents Obrero y Estudiantil d'o refundado Partiu Carlista. La Chunta Rechional d'a Comunión Tradicionalista d'Aragón se convirtió alavez en o Comité Nacional d'o Partiu Carlista d'Aragón, y Ildefonso Sánchez Romeo deixó d'estar Chefe Rechional (cargo que desempeñaba dende 1963) pa estar Secretario Cheneral (cargo que desempeñó dica 1977).
En 1972 lo Partiu Carlista d'Aragón participó en a fundación d'a Comisión Aragonesa pro Alternativa Democratica.
En as eleccions chenerals de 1977 en estar blocada la legalización d'o Partiu Carlista per lo Gubierno d'Adolfo Suárez, lo Partiu Carlista d'Aragón constituyió conchuntament con o Movimiento Comunista la plataforma electoral d'o Frent Autonomista Aragonés pa lo Congreso d'os Deputaus. Lo nº 2 d'a candidatura estió Carlos Carnicero, que ta part d'alavez desempeñaba lo cargo de secretario federal d'organización d'o Partiu Carlista. Obtenió l'1,10 % d'os votos sin plegar aconseguir representación parlamentaria.
En 1986 pasó a formar parte d'a coalición Izquierda Unida, pero abandonó la coalición a a l'anyo siguient.
La suya siede estió situada en o Cerclo Cultural Vázquez de Mella de Zaragoza, dica que l'historico local zarró a primers d'o decenio de 2000. A primers d'o sieglo XXI publicaba lo boletín Toz Chunidos y gosaba dar bella muestra d'actividat publica cuan se celebraba la cincomarzada en Zaragoza, per medio d'a realización de bel acto memorialista u la publicación de bel articlo en a prensa como protesta per la celebración festiva per parte d'o Concello de Zaragoza d'a masacre de trecientos carlistas aragoneses entre la Primera Guerra Carlista.
Veyer tamién
editarGran Enciclopedia Aragonesa: Carlismo
Datos: Q97484644