Claudio Ptolomeu

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Claudio Ptolomeu
Claudio Ptolomeu, en un gravato d'o sieglo XVI.
Información personal
Calendata de naixencia	85
Puesto de naixencia	Echipto
Calendata de muerte	165
Puesto de muerte	Aleixandría, Echipto
Ocupación	Astrologo, astronomo, cheografo y matematico

Claudio Ptolomeu (en griego: Κλαύδιος Πτολεμαίος, Klaudios Ptolemaios); circa 85 - circa 165, altros autors dicen c. 100- c. 170) estió un astronomo, cheografo y matematico d'a comunidat griega d'Echipto que por un regular lo nombran como Ptolomeu u Tolomeu.

Vivió y treballó en Aleixandría, Echipto (se crei que en a famosa Biblioteca d'Aleixandría). Estió astrologo y astronomo, actividaz que en ixos tiempos yeran muito ligatas. Ye l'autor d'o tractau astronomico conoixiu como Almachesto (en griego Hè Megalè Syntaxis, O gran tractao). Se preservó, como toz os tractaus griegos clasicos de ciencia, en manustritos arabes (por ixo tien un nombre arabe que encomienza por al), y Gerard de Cremona en fació una traducción a lo latín en o sieglo XII.

Ye mencionato en a "Cronica de Sant Chuan d'a Penya":

Conviene empero que favlemos et tratemos de los godos, los quales vinieron de una isla que es clamada Estancia, la qual es enta las partes de Septentrio enta la mar quel mundo environa, segunt que aquesto más largamente tractan Claudi et Tolomeu en su dito (sic).

Y tamién en as glosas aragonesas d'a obra De regimine principium de Chil de Roma:

Díze-se estrellado porque allí stan todas las strellas, exceptando las siete planetas. E esto segunt dize Tholomeu, qui es cabeça de los estrólogos, en el Almagesto que se mueve en cient anyos hun grado e en XXXVI milia annyos acaba su curso.

Referencias

• Datos: Q34943
• Multimedia: Ptolemy / Q34943