Cleta de sostens de Cardrona
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
A cleta de sostens de Cardrona (en anglés Cardrona Bra Fence) ye una atracción turistica polemica de Nueva Zelanda (rechión d'Otago), que consiste en una cleta rural plena de sostens penchaus. A cleta se troba a o costau d'una carretera publica, adchacent a uns terrenos, en a val de Cardrona, a o suduest de Wanaka.
A cleta de sostens prencipió en bel inte entre Nadal y Cabo d'anyo de 1999, cuan os sostens de cuatro mullers fueron penchaus en l'alambre d'a cleta chunto a la carretera, por razons desconoixidas. A noticia s'estendilló, y ascape mas sostens prencipioron a apareixer. O numero d'istos continó incrementando-se a mida que se feba mas conoixida. En primerías de 2006, bi heba mas de 800 sostens en l'alambrada. Bels locals dioron a bienvenida a la cleta en considerar-la como atracción turistica, atros la consideraban una monstruosidat y vergonya, y tamién un periglo potencial ta os conductors que emplegaban a carretera.[1]
O 28 d'abril de 2006, dimpués de descubrir que a cleta se trobaba en un espacio reservau a la carretera publica, o consello local determinó que a cleta yera una monstruosidat y un periglo y ordenó sacar os sostens d'a cleta.[2]
A eliminación d'a cleta levo en l'anyo siguient a protestas mirando de fer a mayor cadena de sostens d'o mundo en un Festival anyal celebrau en a vecina localidat de Wanaka. A cadena plegó dica os 7.400 sostens, mas de 100.000 por debaixo d'o record mundial, encara que replegó mas de 10.000 $ ta obras de caridat.[3]
A cleta de sostens se troba actualment amán d'a destilería de Cardrona. En l'anyo 2015 fue rebaptizada, ya en a suya nueva ubicación, como "Bradrona" (chuego de parolas entre "Bra", sostén en anglés, y "Cardrona"), convertindo-se a mas en una iniciativa que ha reculliu, en una caixa situada en o mesmo puesto, mas de 30,000 $ en a luita contra o cáncer de mama.[4]
Referencias
editar- ↑ (en) "Giant Bra Fence Sparks Controversy" al "Local6.com", 29 de chulio de 2005 (en)
- ↑ "Council pings famous fence". One News. 2006-04-27 (en)
- ↑ (en) Wanaka, New Zealand attempts bra chain record. Newsgab.com, 19 de setiembre de 2006
- ↑ (en) World famous in New Zealand: The Cardrona bra fence. 20 d'agosto de 2017. www.stuff.co.nz
Vinclos externos
editar
Datos: Q528852
Multimedia: Cardrona Bra Fence / Q528852