Cornualla

	Cornualla; Kernow
	Condaus d'Anglaterra
	Bandera
Entidat; • Estato; • País constituyent; • Rechión	Condaus; Reino Uniu; Anglaterra; Sudeste d'Anglaterra
Capital	Truru
Superficie; • Total	; 3 563 km²
Población; • Total (2018)	; 568 210 hab. ;
	; O condau de Cornualla en Anglaterra

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo ye sobre Cornualla en Gran Bretanya. Ta atros usos se veiga Cornualla (desambigación)

Cornualla (en cornuallés: Kernow, en anglés: Cornwall) ye un país celta situato a o sudueste de Gran Bretanya, en a peninsula d'o mesmo nombre (no s'ha de confundir con a Cornualla de Bretanya). Conta con bels 513 527 habitants. A capital ye Truru, pero d'antis mas yera Bosvenegh. Actualment ye integrato en a rechión d'o sudueste d'Anglaterra. D'antis mas se dividiba en 12 boroughs, 8 districtos urbans y 10 districtos rurals. Dende a nueva división territorial en Gran Bretanya en 1975, se divide en siet districtos.

As prencipals ciudaz son os centros de Sen Ostell Fowydh y Kammbronn-Rysrudh, pero as villas tradicionals son: Pennsans, Hellys, Lannstefan, Aberfala, Lyskerrys, Newquay, Pennrynn, Porthia, Fowydh, Saltash y Lostwydhyel.

Toponimia

"Penzance welcomes you; Pennsans a'gas dynergh"

Boscawen-Un

O toponimo Cornwall provién d'a radiz chermanica walha, que ye como os saxons y atros pueblos chermanicos denominaban a los celtas, a os romanos y a los pueblos latinos, d'astí atros etnonimos como valons, galeses y vlacos. Corn puet referir-se a lo pueblo britán d'os cornovi d'o centro d'a isla de Bretanya. D'estar cierta esta hipotesi os cornovi s'habrían refuchiato en esta peninsula d'o surueste.

En fuents navarras y aragonesas o exotoponimo ye Cornualla y variants pareixitas, que podemos veyer en o "Libro de las Cheneracions" (libro relacionato con o "Liber Regum" y escrito en romanz navarro) y en a "Cronica de los Conquiridors" (compilación historica de Chuan Ferrández d'Heredia escrita en un luengache basato en l'aragonés d'as comunidaz aragonesas).

Et casó la filla mayor con el duc de Cornualla; et casó la otra filla con el rey de Escoçia; et pensó no de la menor

Estonz fo Estant rey de Escoçia, primero fo rey de Londres; Rudorfo rey de Galias; et Liontech fo rey en Cornualla.^[1]

Et a Corineu fue dada cierta part dela tierra. La cual clamo por su nombre Cornuallia o Corinea alsu pueblo clamo corineses et como Corineu sobre todos cuantos eran uenidos aqui pudies auer la election delas prouincias mas amo aquella region que yes dicha Cornuallia / o / Cornubia por tal que yes en el cuerno de Bretanya o por corrupcion del sobre dicho nombre corineu cual trobaua grant plazer de combaterse con los gigantes.^[2]

Referencias

Vinclos externos

Se veigan as imáchens de Commons sobre Cornwall.

Condaus d'Anglaterra

Datos: Q23148
Multimedia: Cornwall / Q23148

[1] Libro de las cheneracions

[2] Cronica de los Conquiridors

[1]

[2]