Israel

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O Estau d'Israel (en hebreu יִשְרָאֵל‎, Yisra'el, en arabe إسرائيل, Isrā'īl, oficialment Estau d'Israel, מְדִינַת יִשְרָאֵל, Medinat Yisra'el; en arabe: دَوْلَةْ إِسْرَائِيل, Dawlat Isrā'īl), ye un país d'Asia que situau a o canto d'a mar Mediterrania, en a zona conoixida como Orient Meyo. Dende a suya creyación en 1948 por a Organización d'as Nacions Unidas, l'estau d'Israel s'autodefine como l'estau d'os pueblo chodigo y como hereu d'o reino d'Israel de que en charra a Biblia, amás de como hereu d'o reino de Chudea.

Estau d'Israel מדינת ישראל دولة إسرائيل
(En detalle) (En detalle)
Lema nacional: No'n tien
Himno nacional: Hatikvah
Situación d'Israel
Capital  • Población  • Coordenatas	Cherusalem 704.900 (2004) 31°47' N 35°13' E
Mayor ciudat	Cherusalem
Idiomas oficials	Hebreu, arabe
Forma de gubierno President Primer ministro	Republica parlamentaria Isaac Herzog (יצחק הרצוג) Benjamin Netanyahu (בִּנְיָמִין נְתַנְיָהוּ)
Independencia  • Calendata	D'o Reino Uniu 14 de mayo de 1948
Superficie  • Total  • % augua Mugas Costas	Posición 153º 20.770 km² 2 1.017 km 273 km
Población  • Total  • Densidat	Posición 97º 8.502.900 (2016) 387,63 hab/km²
PIB (PPA)  • Total (2010)  • PIB per capita	Posición 46º US$ 218.490 millons US$ 29.404
Moneda	Nuevo sheqel (₪, ILS)
Chentilicio	Israelín/a u israelita
Zona horaria  • en Verano	EET (UTC+2) EEST (UTC+3)
Dominio d'Internet	.il
Codigo telefonico	+972
Prefixo radiofonico	4XA-4XZ, 4ZA-4ZZ
Codigo ISO	376 / ISR / IL
Miembro de: ONU; Unesco; OMC; FICR; FMI; OEA (observador); OSCE; OMS entre atros.
¹Tel Aviv ye a capital d'Israel reconoixida internacionalment, pero seguntes o gubierno israelín, Costa Rica y El Salvador a capital ye Cherusalem.

Muga a lo norte con o Liban y Siria, a l'este con Chordania y Cischordania, a l'ueste con a mar Mediterrania y a lo sud con o golfo d'Aqaba (Mar Roya) y Echipto. Amás, tien costas en a mar Muerta y tamién en a mar de Galilea, que son en realidat dos lacos interiors.

A suya población ye de 8.502.900 habitants (2016) en una superficie de 20.770 km², con una densidat de población de 387,63 hab/km².

O país ye independient dende o 14 de mayo de 1948, y declara tener como a suya capital a ciudat de Cherusalem, feito no reconoixito por a comunidat internacional, que considera que a capital d'Israel ye a ciudat de Tel Aviv, que ye tamién a mayor ciudat (encara que en sería Cherusalem seguntes as afirmacions israelianas) y o centro financiero d'o país. Israel ye miembro d'a Organización d'as Nacions Unidas.

Cuan o país proclamó a suya independencia (d'antis mas feba parte d'o Mandato britanico de Palestina), prencipió una guerra con a población arabe (os palestins) y con os países arabes mugants, que no acceptaban pas a partición de Palestina establida por a ONU entre arabes y chodigos. En a Guerra Arabe-israelina de 1948 y en as guerras posteriors, Israel ocupó territorios que perteneixeban, seguntes os plans de partición establitos por a Organización d'as Nacions Unidas, a os palestins, u mesmo a países mugants, como ye o caso d'o Golán, un territorio que fa parte de Siria y que Israel diz que fa parte d'o suyo territorio. En l'actualidat, Israel controla os territorios de Cischordania, Gaza y o Golán. O conflicto israelo-palestinián ye uno d'os prencipals problemas d'Israel.

Encara que a mayor parte d'os ciudadans israelins practican o chudaísmo, tamién i viven comunidaz musulmanas, cristianas, drusas y samaritanas. O país ye o solo país d'o mundo a on o chudaísmo ye a relichión d'a mayor parti d'a población, estndo a relichión d'alto u baixo o 80% d'a poblacón israelina. Israel tien dos luengas oficials, l'hebreu y l'arabe.

Politicament, Israel s'articula como una democracia parlamentaria en un rechimen de gubierno republicano, en o cual bi ha un president con funcions mas que mas representativas y un primer ministro qui, como s'escayece en os rechimens parlamentarios, controla l'acción de gubierno y responde debant d'o Parlamento. Antiparte, o poder chudicial ye exercito por a Cort Suprema d'Israel, que ye a mas alta instancia chudicial d'o país y tien a función d'o control de constitucionalidat d'as leis y tamién d'o control churisdiccional d'as decisions d'opoder executivo.

A economía d'Israel ye a economía mas desembolicada d'a suya redolada, estando a 41^ena economía mundial, estando o suyo producto interior bruto per capita uno d'os mas elevaus d'a suya redolada. En 2010 o país s'integró en a OCDE.

Cheografía

Ta más detalles, veyer l'articlo Cheografía d'Israelveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Israel muga a o norte con Liban, al'este con Chordania y a o sudueste con Echipto, estando istas as suyas solas mugas terrestres, en un territorio muito mas largo que no pas amplo. As suyas mugas con Liban son reconoixidas por Nacions Unidas y por a comunidat internacional, en a mesma situación que as mugas con Echipto y Chordania, reconoixidas tamién an tractaus bilaterals. Sindembargo, no son reconoixidas as mugas que Israel proclama tener con Siria (a comunidat internacional no reconoix l'anexión de facto d'os Altos d'o Golán) ni con Palestina, ni en a comarca de Chudea u a de Samaria ni tampoco en a suya anexión de facto d'a ciudat de Cherusalem, que diz estar a suya capital, feito no reconoixito tampoco por a comunidat internacional. Gosa acceptar-se a muga de feito existent en chunio de 1967, antis d'a Guerra d'os Seis Días, en a cual Israel anexionó de facto Cischordania y Cherusalem Este. En istos territorios ocupaus, Israel ha construito (y contina construindo-ie) poblacions nuevas t'asentar-ie población israelina, prebando d'alterar a situación t'anexionar-se-los.

Relieve

O territorio d'Israel se puet considerar que ye dividito en cuatre comarcas prou definidas: una plana costanera, situada chunto a la mar Mediterrania, una cordelera montanyosa central, a val d'o río Chordán, y o disierto d'o Negev. Istas cuatre rechions son mas que mas aridas, encara que climaticament podemos trobar dende un clima mediterranio en a costa dica un clima continental en l'interior d'o país, estando mas acusadas as diferencias termicas en l'interior.

Sindembargo d'ista arideza, en as vals ye a on mas que mas se pueden trobar chicotas masas de selvas naturals, y en as zagueras anyadas se fan en o país plans de reforestación.

Climatolochía

En trobar-se situau en una crucillada entre os disiertos d'Asia y d'Africa y as influencias d'a mar Mediterrania, Israel tien una gran variabilidat climatica, distinguindo-se-ie cuaranta tipos climaticos diferents, anque a superficie d'o suyo territorio sía tan chicota.

O rechimen termico varía muito con l'altaria y con a continentalidat de cada puesto, mas que mas en hibierno, encara que se puet resumir a grans linias decindo que se pasa d'un clima mediterranio a l'ueste dica un clima continental a l'este. Antiparte, a caracteristica cheneral d'as comarcas montanyosas d'o país ye que son de clima muit frío y amás con abundancia de viento, por a cual cosa gosan amanixer con nevazos: asinas, o mont Hermón ye cubierto de nieu a mayor parte de l'anyo y a nieu ye present en a ciudat de Cherusalem a lo menos una vegada cada anyada. Sindembargo, as ciudaz d'a costa mediterrania, como Haifa u Tel Aviv tienen un clima mediterranio con hibiernos fridos y con plevias, anque con veranos muit calorosos y secos. Manimenos, a ciudat d'Eilat, en o golfo d'Aqaba a o sud d'o país, tien un clima tropical seco.

A temperatura mas alta de que se'n tien constancia en Asia se rechistró en 1942 en o kibbutz de Tirat Tseví, situau a o norte d'a val d'o río Chordán, cuan se plegó dica os 53,7 °C.

Por un regular, en Israel bi ha una estación seca (dende abril dica octubre) y una de plevias (dende octubre dica abril), con una maxima concentración de plevias dende mitat de chinero dica primerías de marzo; antiparte, as plevias aumentan dende o sud enta o norte y dende l'este enta l'ueste.

Ista climatolochía tien una gran influencia en l'agricultura; por ixo en Israel s'han desenvolicau os sistemas de regano, destacando-ie o riego gota a gota como una practica que se fa servir a ormino.

Historia

Ta más detalles, veyer l'articlo Historia d'Israelveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Independencia y primeros anyos

Lo 14 de mayo de 1948, lo día antes d'a expiración d'o Mandato Britanico, David Ben-Gurion, director de l'Achencia Chodiga, declaró "lo establimiento d'un Estau chodigo en la Tierra d'Israel, que se conoixerá como lo Estau d'Israel". La sola referencia en o texto d'a Declaración a las buegas d'o nuevo estau ye l'uso d'o termin Eretz-Israel ("Tierra d'Israel"). A l'atro'l día, los exercitos de cuatro países arabes (Echipto, Siria, Transchordania y Iraq) dentroron en partes d'o que heba estau lo Mandato Britanico de Palestina, encetando la Guerra Arabe-Israelí de 1948 continchents de Yemen, Marruecos, Arabia Saudí y Sudán s'unioron a la guerra. Lo proposito aparent d'a invasión yera impedir l'establimiento d'o Estau chodigo dende lo prencipio, y cualques líders arabes charroron de "fer fuera a los chodigos a lo mar". Seguntes Benny Morris, a los chodigos les preocupaba que los exercitos arabes invasors tenesen la intención de masacrar-los. La Liga Arabe afirmó que la invasión teneba como obchectivo restablir la lei y l'orden y privar un mayor derramamiento de sangre.

Dimpués d'un anyo de combates, se declaró un alto lo fuego y s'establioron buegas temporals, conoixidas como Linia Verda. Chrdania anexó lo que se conoixió como Cischordania, incluyida Cherusalem Oriental, y Egipto ocupó la Francha de Gaza. La ONU estimó que mas de 700.000 palestins estioron feitos fuera u fuyioron de l'abance d'as fuerzas israelís entre lo conflicto, lo que se conoixería en arabe como la "catastrofe". Uns 156.000 remanioron y se convirtioron en ciudadans arabes d'Israel.

Israel estió admitiu como miembro d'as Nacions Unidas per mayoría de votos l'11 de mayo de 1949. Un intento israelí-chordano de negociar un alcuerdo de paz fracasó dimpués que lo gubierno britanico, temeroso d'a reacción echipcia a tal tractau, expresase la suya oposición a lo gubierno chordano. En os primers anyos d'o Estau, lo movimiento laborista sionista liderau per lo primer ministro David Ben-Gurion dominó la politica israelí.

La immigración a Israel a zaguers d'os anyos 1940 y prencipios d'os anyos 1950 estió aduyada per lo departamento d'immigración israelí y lo Mossad Lealiyah Bet (literalment "instituto pa la immigración b") patrocinau per lo gubiernol, que organizó la immigración ilegal y clandestina. Toz dos grupos facilitoron la lochistica d'immigración regular, como organizar lo transporte, pero estes zaguers tamién participoron en operacions clandestinas en países, particularment en o Meyo Oriente y Europa d'o Este, an se creyeba que las vidas d'os chodigos yeran en periglo y la salida d'ixes puestos yera difícil. L'apuesta d'o Mossad Lealiyah se disolvió en 1953. La immigración estió d'alcuerdo con o plan d'o millón. Los immigrantes plegoron per diferents razons: beluns teneban creyencias sionistas u vinioron con a promesa d'una vida millor en Israel, mientres que atros se mudoron pa escapar d'a persecución u estioron feitos fuera.

Una afluencia de sobrevivients de l'Holocausto y chodigos de países arabes y musulmans a Israel entre los primers tres anyos aumentó lo numero de chodigos de 700.000 a 1.400.000. En 1958, la población d'Israel heba aumentau a dos millons. Entre 1948 y 1970, aproximadament 1.150.000 refuchiaus chodigos se tresladoron a Israel. Cualques nuevos immigrants plegoron como refuchiaus sin posesions y estioron alochaus en campos temporals; en 1952, mas de 200.000 personas viviban en estas ciudaz de campamentos. Los chodigos d'orichen europeu a ormino recibiban un tracto mas favorable que los chodigos de países de Meyo Oriente y Africa d'o Norte; las unidaz de vivienda reservadas pa estes zaguers a ormino yeran redesignadas pa los primers, con o resultau que los chodigos recientment plegaus de tierras arabes cheneralment remataban quedando-se en transito, campamentos per mas tiempo. Entre este periodo, calió racionar birolla, ropa y mobiliario en o que se conoixió como lo periodo d'austeridat. La necesidat de resolver la crisi levó a Ben-Gurion a sinyar un alcuerdo de reparacions con Alemanya Occidental que desencadenó protestas masivas de chodigos molestos debant d'a ideya que Israel podese acceptar una compensación monetaria per l'Holocausto.

Politica

Ta más detalles, veyer l'articlo Politica d'Israelveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Organización territorial

Districtos d'Israel: (1) Districto Norte, (2) Districto de Haifa, (3) Districto Central, (4) Districto de Tel Aviv, (5) Districto de Cherusalem, (6) Districto Sud, (B) Districto de Chudea y Samaria.

Israel ye dividito administrativament en seis districtos prencipals, conoixitos en luenga hebrea como mehozot (mehoz en singular) y 15 subdistrictos, conoixitos como nafot (nafa en singular) que se subdividen en 50 rechions naturals. Son dirichitos por un funcionario designato por o Ministerio d'Interior.

Os districtos d'Israel son:

• Districto Norte, con capital en Nazaret.
  • Subdistricto de Safed.
  • Subdistricto d'o laco Tiberiades.
  • Subdistricto de Jizreel.
  • Subdistricto d'Acó.
  • Subdistricto d'o Golán (subdistricto que a comunidat internacional considera que fa parte de Siria).
• Districto de Haifa, con capital en Haifa.
  • Subdistricto de Haifa.
  • Subdistricto de Hadera.
• Districto Central, con capital en Ramla.
  • Subdistricto de Saron.
  • Subdistricto de Pétah Tiqvà.
  • Subdistricto de Ramla.
  • Subdistricto de Rehobot.
• Districto de Tel Aviv, con capital en Tel Aviv.
• Districto de Cherusalem, con capital en Cherusalem.
• Districto Sud, con capital en Beersheva.
  • Subdistricto d'Ascalón.
  • Subdistricto de Beersheva.
• Districto de Chudea y Samaria (que a comunidat internacional no accepta como parte d'Israel, estando conoixito como Cischordania).

Cultura

Esporte

• Israel en os Chuegos Olimpicos.

Yossi Benayoun.

Anque Israel ye un país d'Asia, partecipa en as competicions organizadas por as federacions continentals europeas. Israel partecipa en os Chuegos Olimpicos dende 1952, a on ha ganado 7 medallas (1 d'oro de Gail Friedman, 1 d'archent, y 5 de bronce).

Os esportes mes populars d'Israel son o fútbol, o baloncesto, a natación, l'aixedrez y l'atletismo.

• O fútbol ye o esporte mes popular, l'organismo rector ye a Federación de Fútbol d'Israel y a suya competición mes important ye a Israel Premier League. Os suyos equipos partecipan en as competicion continentals organizadas por a UEFA y os mes conoixitos son o Maccabi de Haifa, o Maccabi Tel Aviv y o Hapoel de Tel Aviv clasificatos bels anyos ta la fase de grupos d'a Champions League d'a UEFA. L'equipo nacional, a Selección de fútbol d'Israel, organizó y ganó o Campionato d'Asia de Fútbol de 1964 y se clasificó ta o Campionato Mundial de Fútbol de México de 1970. Beluns d'os millors y mes conoixitos chugadors de fútbol son Haim Revivo, Dudu Aouate y Yossi Benayoun.
• O baloncesto ye o segundo esporte mes popular, l'organismo rector ye l'Asociación d'Israel de baloncesto, estando-ne a suya competición mes important a Superliga d'Israel de Baloncesto. Os suyos equipos partecipan en as competicion continentals organizadas por a Confederación Europea de Baloncesto (FIBA Europa). Os millors equipos d'o país son a sección de baloncesto d'o Maccabi de Tel Aviv (ganador de 5 Euroligas) y o Hapoel de Jerusalem (ganador de 1 Eurocup d'a ULEB). L'equipo nacional participa en a Campionato d'Europa de Baloncesto, y bi ha ganato una medalla d'archent. Tamién bi ha partecipato en 2 Campionatos d'o Mundo de baloncesto y una vegada en os Chuegos Olimpicos.
• As cursas de larga distancia d'atletismo son populars en Israel. Cada anyo mils de personas partecipan en as 1/2 marathons de Tel-Aviv, de Jerusalén y d'Ein Gedi. En o anyo 2011, Cherusalem organizará o primer marathon internacional d'Israel. O millor atleta internacional d'Israel estió Aleksandr Averbukh, ganador de tres medallas d'oro en os Campionatos d'Europa d'atletismo de 2000, 2002 y 2006, amás de d'os medallas en os Campionatos d'o Mundo d'atletismo en 1999 y 2001.

Vinclos externos

• Se veigan as imáchens de Commons sobre Israel.
• (he) (ar) (en) Pachina web oficial d'a Kenésset.
• (en) Oficina d'estadistica.
• (en) Federación d'Israel de fútbol.
• Asociación d'Israel de Baloncesto.
• (en) Asociacions esportivas d'Israel.

• Datos: Q801
• Multimedia: Israel / Q801