José Pardo Asso
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| José Pardo Asso | |
|---|---|
| Información personal | |
| Calendata de naixencia | 17 d'agosto de 1880 |
| Puesto de naixencia |  Santa Cilia (Chacetania)
|
| Calendata de muerte | 28 d'agosto de 1957 |
| Edat | 77 |
| Puesto de muerte | Samianigo
|
| Ocupación | Rector y mayestro |
José Pardo Asso (Santa Cilia, Chacetania, 17 d'agosto de 1880[1] - Samianigo, 28 d'agosto de 1957[2]) fue un rector, mayestro y lexicografo aragonés, autor entre atras obras d'o Nuevo diccionario etimológico aragonés[3] de 1938 que lieva o suyo nombre.
Biografía
editarJosé Pardo Asso naixó en una casa de labrador en Santa Cilia, en o Campo de Chaca (actual comarca d'a Chacetania). Estudió en o Seminario Diocesano de Chaca y fue investiu sacerdot, recibindo de primer destino a parroquia de Yesero.[2] Dimpués pasaría por rechir diferents parroquias, siempre en o seno d'a Diocesi chaquesa y a de Uesca, como Chasa, Santa Cruz d'as Serors, Santolaria de Galligo y Larrés. Finalment, exerciría o sacerdocio por os mas anyos en Samianigo.[2]
En 1931, con l'advenimiento d'a II Republica espanyola, mosén Pardo pierde a suya asignación como rector de parroquia y se'n baixa ta Zaragoza, aon que estableixe una academia y residencia d'estudiants pa preparar a os chóvens pa que pasasen o Bachillerato y l'acceso a la Universidat.[2]
Amo d'una personalidat amable, estudioso y de vivo inchenio, refusó de plano a creixent intolerancia d'os suyos tiempos; mosén Pardo pasaba por alto d'as ideolochías, y mesmo fizo amistanza con uns que con atros. Fue amigo personal de l'anarquista Mariano Ascaso, de o profesor Ramón Menéndez Pidal, de o chesuita y arabista Miguel Asín Palacios y de Miguel Allué Salvador, president d'a Diputación Provincial de Zaragoza por ixas envueltas,[2] gracias a qui se publicaría buena cosa d'a suya obra.
En 1942, pasada la Guerra Civil, fue deteniu y encarcelau por as autoridaz franquistas por haber amagau a o chermano d'un amigo a qui a policía buscaba. Pasó dos meses en o campo de concentración de Sant Chuan de Mozarrifar.[2]
Morió en Samianigo o 28 d'agosto de 1957, con 77 anyos, victima d'un cáncer de pulmón.[2]
Obras
editar- 1938: Nuevo diccionario etimológico aragonés.
- 1940: Ortografía sin Reglas.
Referencias
editar- ↑ (es) Dentrada Pardo Asso, José en a Gran Enciclopedia Aragonesa; consultada o 7 de mayo de 2019.
- ↑ 2,0 2,1 2,2 2,3 2,4 2,5 2,6 (es) Articlo «Mosén José Pardo Asso» en a revista Serrablo; publicau l'1 d'aviento de 1996. Consultau o 7 de mayo de 2019
- ↑ (es) Información sobre a biografía de José Pardo Asso publicada por Rolde de Estudios Aragoneses. Consultada o 7 de mayo de 2019.
Se veiga tamién
editar
Datos: Q65393760