Monche

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Un monche (de l'occitano <monge) ye una persona que vive en ascetismo por razons relichiosas, ya sia solo u con atros monches fendo parte d'una congregación. A más d'en o cristianismo se troba monches en atras relichions como o budismo, o khainismo, l'hinduismo, o taoísmo, etc.

Un monche cristiano.

Seguntes o suyo modo de vida, os monches se pueden clasificar en cenobitas os que viven en monesterios, eremitas os que viven en ermitas y santuarios que tienen a cudiau suyo, y anacoretas os que viven alpartaus de tot y adedicaus a l'oración y a penitencia.

En o cristianismo catolico, os monches cenobitas viven organizaus baixo reglas d'entre as que en ye principal por lo antigas y por haber serviu de base a atras reglas desenvolicadas dimpués a Regla de Sant Agostín, feita por Sant Agostín d'Hipona y que daría la orden mendicant agostina, y a Regla de Sant Benedet, escrita por Sant Benedet de Nursia en o sieglo VI, y que daría paso a la orden monastica benedictina.

Seguntes a Regla de Sant Benedet, os monches pueden estar cenobitas, eremitas, sarabaítas y chirovagos, d'entre os quals os dos primers tipos viven conformes con normas y votos y os dos zaguers viven sin obedencias y a costa d'os primers. En o catolicismo, os monches que pertenecen a bella orden mendicant reciben o nombre de «flaires».

Ditos y mazadas

• «u todos monches u todos canonches»

Se veiga tamién

• Orden relichiosa.
• Orden de Cistels.
• Orden de Clunyego.
• Orden d'os Pedricadors.
• Remiro II d'Aragón.

Enlaces externos

• Se veigan as imáchens de Commons sobre monches.

Referencias

• Datos: Q733786
• Multimedia: Monks / Q733786