Río Volga

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O Volga (en ruso Волга) ye un río d'a Rusia occidental con una longaria de 3.700 km, estando o río mas largo d'Europa, un cabal meyano de 8.000 m³/s (en ixo tamién ye o primer d'Europa) y una cuenca de bels 1.400.000 km².

Volga Волга
En pasando Yaroslavl
Administración
Estaus	Rusia
Territorios	{{{territorios}}}
Cheografía
Longaria	3.690 km
Altaria d'o naixedero	228 m
Naixedero	Meseta de Valdai
Desembocadura	Mar Caspia
Hidrolochía
Superficie d'a cuenca	1.350.000 km²
Cabal meyano	7.300 m³/s
Mapa

O suyo naixedero ye en un chicot laco en a Meseta de Valdai a 228 m d'altaria y desemboca en a mar Caspia formando un amplo delta. O suyo caudal ye muito irregular, a meitat d'o agua que leva en un anyo o fa dende finals d'abril dica lo principio de chunio mientras o deschelo, anque gracias a os entibos y a o acondicionamiento d'o suyo cauce, ye navegable cuasi en a suya totalidat.

Toponimia

D'antis mas se deciba Rha y como tal apareixe recullito en as obras de Ptolomeu. Iste nombre perviviba entre bels pueblos dica o sieglo XIX, a on que s'adopto a denominación actual.

Una d'as solas mencions en aragonés medieval ye en "La Flor de las Ystorias d'Orient", on ye denominato Etill, preso d'a denominación en bella luenga turquica:

aquesta t(ier)ra de comania comarca deues orie(n)t con el regno de corasina et en partida con vn gra(n)t desierto deues ocçident comarca con la mar mayor et con la mar del regno deues septemtrion comarca con el Regno de Roussia et deues mig iour se stiende entro ha e(n) la mayor flumaria que hombre sapia en el mundo q(ue) es clamada Etill aq(ue)lla flumaria se yela cascun anyo et algunas vegadas esta todo el anyo yelado en tal manera q(ue) hombres et bestias hi passan desuso assi como farian Por t(ier)ra. Et en aq(ue)lla Ribera de aquel Rio se fazen algunos arbores chicos et dela otra part del Rio deues mig iour et deues ocçide(n)t muchas naciones de gentes qui non se cuentan del regno de Comania mas ellos so(n) obedientes al Rey de comania et son entorno de la montanya de Corcas que es muyt grant et alta

Afluents prencipals

O suyos afluents prencipals son por a suya largaria o río Kama con 1805 km, o río Oká con 1495 km y río Surá con 841 km.

Bibliografía

• La voie des Tsars, Yves Gauthier, 1999, Paris , ISBN 2-84536-000-2

Vinclos externos

• Se veigan as imáchens de Commons sobre o río Volga.
• (fr)/(en)/(ru) Recorritos por o río Volga.

• Datos: Q626
• Multimedia: Volga / Q626