Royo
color correspondient a la freqüencia mes baixa de luz que puet distinguir o uello humán
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
- Ta la color d'o pelo, se veiga l'articlo sobre o pelo royo.
| Royo | ||
|---|---|---|
| Cordenadas de color | ||
| HTML | #FF0000 | |
| RGB | (r, g, b) | (255, 0, 0) |
| CMYK | (c, m, y, k) | (0, 100, 100, 0) |
| HSV | (h, s, v) | (0°, 100%, 100%) |
O royo (d'o latín < RUBEUS) ye a color correspondient a la frecuencia mes baixa de luz que puet distinguir o uello humán. A largaria d'onda d'a luz roya ye d'arredol de 700 nm.
Usos, simbolismo y expresions que s'emplegan charrando
editar- En aragonés, a color d'o pelo de personas y animals (gatos por eixemplo) se diz roya si tien tonalidaz royencas u amarillencas encara que no siga roya de tot dende o punto de vista optico.
- A color roya se emplega a sobén pa fer notar furia.
- A color d'a sangre fació que s'asociase a color roya con o dios d'a guerra, Marte, y en a honor suya o planeta royo se clama Marte, que tien una superficie royenca por os suelos o mineral hematites, que ye oxido de fierro.
- A color roya se emplega en sinyals de trafico (sinyals d'alvertencia y prohibición y o sinyal de "stop"), tamién en os semaforos.
- O royo s'ha emplegau como color d'os revolucionarios y os d'ezquierda politica, ye fácil que dende os tiempos d'a revolución francesa.
- Por eixemplo, en a Guerra Civil de Rusia y en a Guerra Civil de Finlandia luitoron royos contra blancos.
- La identificación d'o comunismo con o royo (estando o royo a color prencipal d'a bandera d'a Unión Soviética) produció expresions en a Guerra Frida como "a menaza roya", a "China Roya" (en contraposición con "a China Nacionalista", a China Libre u Taiwan).
- O royo tamién s'emplega para indicar deudas, como en a expresión "numeros royos". La practica procede d'os contables italianos que usaban tinta roya pa indicar as deudas y tinta negra pa indicar os habers.
- Roya ye tamién a "Color d'a pasión".
- A sangre ye roya por a presencia d'hemoglobina, que tien o catión mes oxidau de fierro, o fierro trivalent Fe3+ . Cuan a hemoglobina tien o fierro combinau de tot con oxicheno a color roya ye mes viva, cuan ixe fierro d'a hemoglobina no ye combinau con oxicheno a color ye mes esmorteixida.
