Software libre

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Software libre (en anglés free software, encara que ista denominación a vegadas se confunde con «gratis» por l'ambigüedat d'o termin free en l'idioma anglés, por o que tamién s'usa libre software) ye a denominación d'o software que respecta a libertat de toz os usuarios que adquirioron o producto y, por tanto, una vegada obteniu o mesmo, puede estar usau, copiau, estudiau, modificau, y redistribuyiu librement de cuantas formas. Seguntes a Free Software Foundation, o software libre se refiere a la seguranza d'os usuarios ta executar, copiar, distribuyir y estudiar o software, y mesmo modificar-lo y distribuyir-lo modificau.

Un programa informatico ye software libre si atorga a os usuarios todas istas libertaz de traza adecuada. En caso contrario no ye libre. Existen diversos esquemas de distribución que no son libres, y si bien podemos distinguir-los sobre a base de cuánto les falta ta plegar a estar libres, o suyo uso bien puede estar considerau contrario a la etica en toz os casos por igual.

O software libre gosa estar disponible gratuitament, u a o pre de coste d'a distribución a traviés d'atros medios; manimenos no ye obligatorio que sía asinas, por tanto no cal asociar «software libre» a «software gratuito» (denominau usualment freeware), ya que, conservando o suyo caracter de libre, puede estar distribuyiu comercialment (software comercial). Analogament, o software gratis u gratuito incluye en ocasions o codigo fuent; manimenos, iste tipo de software no ye «libre» en o mesmo sentiu que o software libre, de no estar que se guarencien os dreitos de modificación y redistribución de ditas versions modificadas d'o programa.

Tampoco ha de trafucar-se software libre con «software de dominio publico». Iste zaguero ye aquel software que no requiere de licencia, pos os suyos dreitos d'explotación son ta toda a humanidat, porque perteneixe a toz por igual. Cualsiquiera puede fer uso d'él, consignando a suya autoría orichinal. Iste software sería aquel que o suyo autor lo dona a la humanidat u que os suyos dreitos d'autor han expirau. Si un autor condiciona o suyo uso baixo una licencia, por muit feble que sía, ya no ye d'o dominio publico.

Veyer tambien

Datos: Q341
Multimedia: Free software / Q341