Surf
O surf u surfing ye un esporte nautico en que o esportista se desliza con una tabla de surf sobre a cresta d'una onda marina a mesura que ista portía a la persona practicant (surfista u surfer) enta a costa.
Si a persona que practica o esporte lo fa dreita dencima d'a taula se puet clasificar o surf en dos grupos: o longboarding y o shortboarding. As diferencias mas importants entre as dos modalidaz son o disenyo d'a tabla (mas que mas en a largaria) y evidentment o estilo de surfeyar as ondas marinas.
Existe tamién o surf con asistencia tecnica (a sobén relacionato con o surf d'olas grans), en que un vehíclo motorizato privato, como una moto acuatica, remolca a o surfista estando en a zona debantera d'a onda y en dirección ta a costa, aduyando-le a pillar a parti mas veloz d'a onda con unas velocidaz superiors a las que o surfista no podría conseguir por si mesmo.
Bels esportes relacionatos con o surf como o paddleboarding y o kayak de mar no amenistan d'ondas marinas, y atros esportes derivatos se basan en o poder d'o viento como o kitesurfing y o windsurfing, encara que tamién se pueden fer servir as tablas ta surfeyar as ondas marinas.
