Urdués
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Urdués ye un lugar aragonés en a comarca de Chacetania y provincia de Uesca, en l'actual termin municipal de Val d'Echo, a cantos d'un barranco afluent d'o río Aragón Subordán.
| Urdués | |
| Lugar d'Aragón | |
 | |
| Entidat • País • Provincia • Comarca • Municipio |
Lugar Aragón UescaChacetania Val d'Echo |
| Partiu chudicial | Chaca |
| Población • Total |
50 hab. (2013) |
| Altaria • Meyana |
884 m. |
| Codigo postal | 22720 |
| Patrons | Asumpción de María |
| Parroquial • Diocesi • Arcipestrau • Parroquia |
Chaca Chaca-Berdún Sant Martín de Tours |
| Coordenadas | |
Dica 1971, cuan s'unió a Echo y Embún ta formar o municipio clamato Val d'Echo, estió un municipio independient.[1]
Cheografía
editarUrdués ye situato a 884 metros d'altaria sobre o livel d'a mar.[1]
Etimolochía
editarO suyo nombre ye uno d'os casos de terminación -ués en a toponimia aragonesa. Seguntes Manuel Benito Moliner, ye un caso d'un antroponimo latino, relacionato con un antigo propietario u poseyedor d'un fundus, clamato Urdo.[2]
Historia
editarA primera cita historica d'o lugar ye en 867, con o nombre d'Orduesi, por a donación feita por o conte d'Aragón Galindo I Aznárez d'o lugar a o monesterio de Sant Pero de Ciresa.[1]
Molimentos
editar- Ilesia de Sant Martín de Tours d'Urdués, una ilesia adedicada a Sant Martín de Tours, que ye la ilesia parroquial d'o lugar.[3] Ye un edificio d'o sieglo XII, encara que con muitas transformacions posteriors. Nomás o suyo abside ye d'estilo romanico. Fue restaurata en os anyos 1980 con un tellau en fusta.[1] A suya talla provién de l'antigo despoblato de Catarecha.[1]
Fiestas
editar- 15 d'agosto: Asumpción d'a Virchen.[1]
- 11 de noviembre: Sant Martín, fiestas patronals.[1]
Vinclos externos
editar- (es) Urdués en www.Jaca.com.
- (es) Urdués en RomanicoAragonés.com.
Referencias
editar- ↑ 1,0 1,1 1,2 1,3 1,4 1,5 1,6 (es) Urdués, en a pachina web d'a Chacetania.
- ↑ (es) Benito Moliner, Manuel: Pueblos del Alto Aragón: el origen de sus nombres (T-Z).
- ↑ (es) Parroquias del Arciprestazgo de Jaca-Berdún en o sitio web d'a Diocesi de Chaca.
| Lugars de lo municipio de la Val d'Echo | |
|---|---|
| Ciresa | Echo | Embún | Santa Lucia | Urdués |
