Zeus
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Zeus Ζεύς | |
|---|---|
 Imachen idealizada de Zeus. | |
'
| |
| Mitolochía: | mitolochía griega |
| País: | Antiga Grecia |
| Residencia: | Mont Olimpo |
| Pai: | Cronos |
| Mai: | Rea |
| Conchuche: | Hera |
| Chirmans: | Hestia, Hades, Hera, Poseidón, Deméter, Quirón. |
| Fillos: | Ares, Atena, Apolo, Artemisa, Dionís, Hebe, Hermes, Heracles, Helena d'Esparta, Hefesto, Perseo, Minos y as musas. |
| Animal: | L'aliga. |
| Mont: | Olimpo |
| Simbolo: | o lampedo y o caixico. |
Zeus (en griego antigo Ζεύς Zeús) ye, en a mitolochía griega, un dios de qui se diz que ye o "pai d'os dioses y os hombres",[1] que gubernaba a os dioses d'o Mont Olimpo como un pai a una familia, de traza que mesmo qui no yeran os suyos fillos naturals se dirichiban a él como tal.[2] Yera o Rei d'os Dioses que supervisaba l'universo.[3] Yera o dios d'o cielo y o trueno. Os suyos atributos incluyen o lampedo, l'aliga, o toro y o caixico. Amás d'o suyo herencio indoeuropeu, o clasico Zeus "recolector de boiras" tamién obtenió bels rasgos iconograficos de culturas de l'antigo Orient Proximo, como o cetro. Zeus fue representau a sobén por os artistas griegos en dos poses: de piet, abanzando con un rayo devantau en a suya man dreita, y posau machestuosament.
Etimolochía
editarO teonimo Zeus se remonta a un teonimo proto-indoeuropeu d'o que derivan bels cognatos en diferents luengas indoeuropeas: o chupiter d'a relichión romana, Tyr Zio d'a relichión escandinava y atros. Alavez, ye a continación griega d'un dios celeste sobirán d'a relichión proto-indoeuropea, exponent d'a primera función indoeuropea que describe Georges Dumézil.
