Blancanieu
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Blancanieu | |
|---|---|
 Ilustración d'Alexander Zick (1845-1907) | |
Información cheneral
| |
| Autor | Cuento popular |
| Chenero literario | Cuento |
| Subchenero | Fadas |
| Versión en alemán | |
| Títol | Schneewittchen |
| Autor | Chirmans Grimm |
| País |  Alemanya
|
| Calendata de publicación |
1812 |
Blancanieu (u tamién Blancanieus, en alemán Schneewittchen) ye un cuento popular, estando a suya versión mas conoixida a recullida por os Chirmans Grimm. A cinta de Walt Disney Snow White and the Seven Dwarfs" (en anglés "Blancanieu y os siet enanos") contribuyó a mantener a historia oral en circulación.
A historia
editarO cuento explica como una mesacha, con a piel blanca como a nieu, por ixo ye clamata Blancanieu, despierta as celusías d'a nueva muller de su pai, una bruixa, que ordena matar-la ta esta ella a muller mas polida d'o reino (o chuez ye un espiello machico). Os sirvients no pueden cumplir a orden y l'abandonan en a selva, a on ye recullida por siet enanos que queden cautivaus por a mesacha. Blancanieu pasa a vivir con os enanos, cuidando-los y creixiendo. A bruixa mira de trobar-la y asasinar-la con una manzana enverenada, pero consigue o suyo proposito porque no se mincha a manzana de tot. Por ixo ye viva en un atabul de vidre que custodian os enanos, pero profundament dormida. Nomas un pochón d'aimor d'un prencipe podrá rebellar-la y rematar en un matrimonio goyoso.
Interpretacions
editarApareixen diferents elementos comuns con atras historias, como a manzana que mata u o pochón d'aimor (en as primeras versions no i apareixeba y yera una segudida de l'atabul lo que despertaba a la choven, puet estar que sía una contaminación d'a Bella Durmient). Igualment o concurso de belleza con un espiello que apareixe en o cuento ye un motivo tradicional.
A critica feminista considera que ye un cuente ta aleccionar sobre o papel reservau a la muller, ya que Blancanieu se salva porque accepta cuidar y servir a os siet enanos y a belleza ye el motor d'a trama. Dende o psicoanalís se subralla o complexo d'Edipo y a celusía como detonants de l'acción.
En una versión albanesa antiga no son siet enanos sino siet dragons as criaturas que acullen a Blancanieu. Iste papel positivo de criaturas usualment vistas como negativas ye un rasgo fundamental d'a historia (en os cuentos de fadas, os enanos y dragons gosan estar guardians de tresoros u raptors de mesachas).
Vinclos externos
editar- (es)(de) Texto bilingüe castellano - alemán.
Se veigan as imáchens de Commons sobre Blancanieu.
Datos: Q11831- Multimedia: Snow White / Q11831