Escherichia coli

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Escherichia coli
Electromicrografía de Escherichia coli.
Clasificación scientifica
Dominio: Eubacteria Filo: Proteobacteria Clase: Gamma Proteobacteria Orden: Enterobacteriales Familia: Enterobacteriaceae Chenero: Escherichia Especie: E. coli
Nomenclatura binominal
Escherichia coli
T. Escherich, 1885

Escherichia coli (a sobén abreviato E. coli) ye una bacteria Gram negatiba que o suyo habitat vital son os intestins d'os animals, y per ixo se gosa trobar tamién en as restas fecals. En 1885 estió Theodor von Escherich, un bacteriologo alemán o suyo descubridor, y clamó a este organismo Bacterium coli, encara que o nombre cambeó dimpués en honor de von Escherich, tornando-se Escherichia.

Esta y altras especies de bacterias son de tot imprescindibles ta lo proceso dichestivo. Amás, produce vitaminas B y K. Ye una especie anaerobia facultativa, móvil per flachelos peritricos (ixo ye, que en tiene arredol de tota la superficie celular), que no fa endoesporas, puet fermentar glucosa y lactosa y con o protocolo de pruebas IMVIC fa os resultatos ++--.

Bi ha seis cepas con capacidat patochena: Escherichia coli enteropatochenica (ECEP), enterotoxichenica (ECET), enteroinvasiva (ECEI), enterohemorrachica (ECEH), enteroagregativa (ECEA) y d'adherencia difusa (ECAD).

Escherichia coli enterohemorrachica o verotoxichenica (ECEH)

A convención internacional de nomenclatura de patochenos ha recomendato l'uso de STEC (Shiga Toxin Escherichia coli) pa este grupo, pus estas bacterias producen una toxina citotoxica pa celulas Vero de cautivo de similaridat estructural a la toxina producida por Shigella dysenteriae. As STEC producen verotoxinas que actúan en o colon. Os sintomas suyos son: primero colitis hemorrachica, dimpués sindrome uremico hemolitico (l'anterior mas infección d'o rinyón, posible entrata en coma y muerte), y a la fin, purpra trombocitopenica trombotica (lo d'enantes mas infección d'o sistema niervoso central). Esta cepa no fermenta o sorbitol y poseye un fago, a on que se troban codificatas as verotoxinas, tamién ditas "Toxinas Shiga", no poseye una fimbria formadora de tufas, en cuenta de esto poseye una fimbria polar luenga que fa servir pa l'adherencia.

En l'anyo 2011 en Alemanya s'ha informau d'un gran brot epidemico produciu por o serotipo enterohemorachico Escherichia coli. O gubierno alemán senyaló a lo principio a Espanya como orichen d'os productos vechetals (pepins), embrecatos en a intoxicación alimentaria. Dimpués de l'analís d'as feces d'os pacients s'ha descartato l'orichen espanyol.

Vinclos externos

• Se veigan as imáchens de Commons sobre Escherichia coli.

Referencias

• Datos: Q25419
• Multimedia: Escherichia coli / Q25419
• Especies: Escherichia coli