La ciociara

Iste articlo ye sobre una cinta italiana de 1960; ta atros usos, se veiga La ciociara (desambigación).

La ciociara
Títol	La ciociara
Poster teatralizau d'a cinta.
Ficha tecnica
Dirección	Vittorio De Sica
Dirección artistica	Gastone Medin
Producción	Carlo Ponti
Guión	Vittorio De Sica Cesare Zavattini (basato en La ciociara d'Alberto Moravia)
Musica	Armando Trovajoli
Soniu	Giovanni Rossi
Fotografía	Gábor Pogány
Montache	Adriana Novelli
Escenografía	Gastone Medin
Vestuario	Arlington Valles Bill Thomas
Efectos especials	Serse Urbisaglia
Actors	Sophia Loren Jean-Paul Belmondo Eleonora Brown Carlo Ninchi Raf Vallone Emma Baron
Datos y cifras
País(es)	Francia Italia
Anyo	1960
Debantadera	22 d'aviento de 1960 Milán (Lombardía, Italia) 23 d'aviento de 1960 Italia
Chenero(s)	Cine de drama Cine belico
Durada	100 min.
Idioma(s)	Italiano
Companyías
Productora(s)	Compagnia Cinematografica Champion Titanus Les Films Marceau Cocinor Société Generale de Cinématographie
Distribución	Titanus Distribuzione
Informacions en bases de datos especializadas:

La ciociara (títol orichinal en italiano, en aragonés A ciociara, enguerada en Aragón con o títol en castellano de Dos mujeres, en aragonés Dos mullers) ye una cinta italiana de l'anyo 1960 de cine de drama y cine belico ambientada en a Segunda Guerra Mundial dirichida por Vittorio De Sica seguntes un guión de Vittorio De Sica y Cesare Zavattini (basau en La ciociara d'Alberto Moravia), con una banda sonora orichinal d'Armando Trovajoli y una dirección de fotografía de Gábor Pogány. Producida por Carlo Ponti ta las productoras Compagnia Cinematografica Champion, Titanus, Les Films Marceau, Cocinor y Société Generale de Cinématographie, en o suyo elenco incluye a destacaus actors como Sophia Loren, Jean-Paul Belmondo, Eleonora Brown, Carlo Ninchi, Raf Vallone y Emma Baron. Antiparte, ye una cinta que ha recibiu cuantos premios.

A cinta (y a novela que en ye l'alazet) charran d'as violacions masivas por soldaus marroquins d'o Cuerpo d'exercito de l'exercito francés que mandaba Alphonse Juin mientres a batalla de Montecassino, con cifras que bels historiadors amanan a 2.000 mullers violadas en lugars, pueblos y ciudaz d'arredol d'o monesterio de Montecassino.

Sinopsi

Mientres a Segunda Guerra Mundial, Cesira (Sophia Loren) ye una choven viuda que vive en Roma con a suya filla Rosetta (Eleonora Brown), de nomás que 13 anyadas. Temendo por os continos bombardeyos aerios d'os Aliaus sobre Roma, decide de tornar con a suya filla en o suyo lugar natal. Una vegada han plegau, Cesira conoix a un choven resistent comunista, Michele Di Libero (Jean-Paul Belmondo) de qui s'enamora. Sindembargo, soldaus alemans d'a Wehrmacht lo fan prisionero y lo emportan enta lo mont.

Cuan plegan os Aliaus, Cesira creye que o periglo ya ha pasau y decide de tornar en Roma, pero mientres o camín Cesira y Rosetta son violadas por soldaus marroquins d'o Cuerpo d'exercito de l'exercito francés que manda Alphonse Juin mientres a batalla de Montecassino, encara que Rosetta, de 13 anyadas, encara yera virchen. Antiparte, poco dimpués Cesira conoix que os alemans han asasinau a Michele.

Reparto

• Sophia Loren, en o papel de Cesira.
• Jean-Paul Belmondo, en o papel de Michele Di Libero, un choven comunista.
• Eleonora Brown, en o papel de Rosetta.
• Carlo Ninchi, en o papel de Filippo, o pai de Michele,
• Raf Vallone, en o papel de Giovanni
• Andrea Checchi, en o papel de Un faixista.
• Pupella Maggio, en o papel de Un paseyant.
• Emma Baron, en o papel de Maria.
• Bruna Cealti, en o papel de Una refuchiada.
• Antonella Della Porta.
• Mario Frera.
• Franco Balducci, en o papel de Un alemán.
• Luciana Cortellesi.
• Curt Lowens.
• Tony Calio.
• Remo Galavotti.

Se veiga tamién

• Cine en 1960.
• Cintas de 1960.

Vinclos externos

• Se veigan as imáchens de Commons sobre La Ciociara.
• (en) La ciociara en Internet Movie Database.

• Datos: Q128761
• Multimedia: La Ciociara (film) / Q128761