Leucocito

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Os leucocitos (d'o griego λευκός "blanco", y κύτος "bolsa") u globulos blancos son un conchunto de celulas sanguinias que s'encargan d'a respuesta immunitaria, encargadas d'esfender a l'organismo contra substancias extranyas u achents infecciosos (antichenos). S'orichinan en o miollo osio y en o teixiu limfatico.

Menas de leucocitos (en anglés):
monocitos (Monocyte), linfocitos (Lymphocytes), neutrofilos (Neutrophil), eosinofilos (Eosinophil) y basofilos (Basophil).

Os leucocitos son celulas mobils que se troban en a sangre transitoriament. A diferencia d'os eritrocitos (globulos royos), no contienen pigmentos y per ixo se les cualifica de globulos blancos.

As valors normals oscilan entre 5.000 y 11.000 per mm³.

Son as unicas celulas sanguinias con nuclio, mitocondrias y atros organulos celulars. Son capables de mover-se librement per meyo de pseudopodios. A suya grandaria oscila entre os 8 y os 20 µm. O suyo tiempo de vida vareya entre cualques horas dica meses y anyos. Istas celulas pueden salir d'os vasos sanguinios a traviés d'un mecanismo clamau diapedesi.

Menas de leucocitos

Os leucocitos se dividen en dos grans clases:

• Granulocitos (que poseyen granulos en o suyo citoplasma): son os neutrofilos, eosinofilos y basofilos.
• Agranulocitos (que mancan de granulos): son os monocitos y linfocitos.

Referencias

• Datos: Q42395
• Multimedia: Leukocytes / Q42395