Manuel I Comneno
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Manuel I Comneno | |
|---|---|
| Emperador de l'Imperio Bizantín | |
 Manuel I Comneno | |
| 1143 - 1180 | |
| Predecesor | Chuan II Comneno |
| Succesor | Aleixo II Comneno |
| Naixencia | 28 de noviembre de 1118 |
| Muerte | 24 de setiembre de 1180 |
| Dinastía | Dinastía d'os Comnenos |
| Pai | Chuan II Comneno |
| Mai | Piroska d'Hongría |
 | |
Manuel I Comneno estió emperador de l'Imperio Bizantín dende 1143 dica 1180. Ye naixiu o 28 de noviembre de 1118 y morió o 24 de setiembre de 1180.
Manuel I Comneno prebó d'ir mes luent que o suyo predecesor, sobretot dimpués d'o fracaso d'a Segunda Cruzada. Se facioron piors as relacions con Loís VII de Francia, con Conrado II d'Alemanya y Frederico I Barbarroya y con a Republica de Venecia. Entre 1155 y 1170 concedió privilechios comercials a la Republica de Chenova y en 1170 renovó os privilechios d'a Republica de Pisa. Rocher II de Sicilia ocupó Corfú en 1147, y encara que fue forachitau por os venecianos, aduyó a los serbios cuan en 1149 se rebeloron.
O exercito bizantín desembarcó en o sud d'Italia y i habió una guerra contra os normandos d'Italia entre 1155 y 1158 en a que Frederico I y Venecia se posoron en contra de Costantinoble.
Manuel I consiguió por bella anyada sozmeter Serbia, dominar en Croacia y confiscar os biens venecianos en Costantinoble y suspender-ie o comercio venecián en 1171 en un tiempo que o Papato s'amanó cheopoliticament a la Liga Lombarda, a Hongría (fendo liga en 1164) y a las republicas mercantils de Chenova y Pisa.
Manuel I recuperó por bella anyada a supremacía bizantina en afers orientals fendo liga con o reino de Cherusalem y recuperando o dominio sobre Antioquía en 1159, en un tiempo que os cruzaus veyeban a suya situación pior debant d'a unificación d'Echipto y Siria. A expedición de griegos y latinos en o delta de Nilo fracasó. Manuel I habió de reaccionar cuan en 1162 se crebó o tractau de paz con os turcos d'o soldanato de Rum, y en 1176 Kilij-Arslan II li inflichiba una derrota en Myriokephalon (batalla que significó a fin d'o control bizantín en Asia la Menor). En 1179 Bizancio perdió o sistema de ligas con os vecins occidentals cuan Frederico I Barbarroya y a Liga Lombarda firmoron a paz. Os recursos de Bizancio quedoron acotolaus, perdió a iniciativa en a politica exterior, mancaban recursos militars y financiers. A l'este i yera o periglo turco, a l'ueste i heba estaus hostils y en os Balcans i heba pueblos que se rebelaban. Dende 1180 creixioron os problemas y o poder imperal decayó.
Bibliografía
editar- (es) Jose-Ramón Julià: Atlas de Historia Universal. Tomo I: De los orígenes a las crisis del siglo XVIII. Editorial Planeta.
| Predecesor: Chuan II Comneno |
Emperador de l'Imperio Bizantín 1143 - 1180 |
Succesor: Alexo II Comneno |
Datos: Q41610
Multimedia: Manuel I Komnenos / Q41610