Mulato (animal)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Un mulato, burriato u burrenyo ye un equido hibrido y estéril naixiu de cubrir-se una burra con un caballo. Ye un tremescluz en sentiu contrario que en as mulas y os mastos, a on que o masclo prochenitor ye un guarano y a fembra ye una yegua.

Un mulato.

Os mulatos son muit minoritarios d'entre o bestiar mular, pus siempre que se quiere obtener mulas se mira de fer-lo entregando-le una yegua en zelo a o guarano. Tradicionalment, a mayoría de mulatos naixen por copulas no deseyadas por os amos d'os animals.

A descendencia que libra la yegua tiene unas dimensions y fortaleza fisica mas pareixidas a las d'a especie caballar, por o que se considera millor ta las fayenas propias d'os abríos a las quals se les gosa adedicar. Os mulatos, a la inversa, heredan una mida pareixida a la d'os someros (como su mai), por o que no son aptos ta fer os mesmos esfuerzos que sus parients mulos, y ademés o saber popular les atribuye d'estar niervudos y temperamentals, mas asemellaus con a especie de su pai (o caballo).

Se veiga tamién

• Mula.
  • Masto.
• Equus asinus.
  • Guarano.
  • Pollino.
  • Burricallo.
• Equus caballus.
  • Yegua.
  • Potro.
• Sobranyo.
• Trenteno (masto).

Vinclos externos

• Se veigan as imáchens de Commons sobre mulatos.

• Datos: Q217584
• Multimedia: Hinnies / Q217584