Phil Lynott

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Phil Lynott
Estatua de Phil Lynott en Dublín
Información personal
Nombre	Philip Parris Lynott
Embotada	Philo
Naixió	20 d'agosto de 1949; West Bronwich, Anglaterra
Murió	4 de chinero de 1986; Salisbury, Anglaterra
Información musical
Orichen
Estilo	Hard Rock, Heavy Metal
Ocupancia	{{{Ocupancia}}}
Instrumentos	Voz, baixo y guitarra
Tiempo	1969 - 1983
Discograficas	{{{Discografica}}}
Relacionau con	{{{Artistas_relacionaus}}}
Pachina web

Philip Parris Lynott (20 d'agosto de 1949 - 4 de chinero de 1986) estió un cantaire, instrumentista y compositor irlandés, conoixiu por estar o líder d'o grupo Thin Lizzy.

Biografía

Lynott naixió de West Bromwich, Anglaterra, fillo de un brasilero y d'una irlandesa, Philomena Lynott, apellito de qui esliyó lo cantaire, en cuentas de l'apellito paterno. Su pai albandonó a su mai nomás tres semanas dimpués de que Phil naixiese, tornando-se-ne a lo suyo país natal. Phil no conoixió a su pai dica fins d'os 70. Lynott pasó parti d'os suyos primers anyos en Moss Side, Manchester, y dimpués se'n fué a vivir con a suya lola ta Crumlin, Dublín, Irlanda.

Thin Lizzy

A meyatos d'a decada de 1970, Lynott prencipió a cantar en o suyo primer grupo de musica, The Black Eagles. Estió por ixas envueltas cuan conoixió a Brian Downey. Formó lo grupo de rock Thin Lizzy arredol de 1969 en Dublín, estando lo suyo cantaire principal, compositor y baixista. Lynott, que yera mulato, s'ispiró en Jimi Hendrix y encluso l'emitó una mica en o suyo aspecto fisico. O suyo primer top 10 plegó en 1973 con "Whiskey In The Jar", versión d'una canción tradicional irlandesa.

En 1978, colaboró en a versión musical de Jeff Wayne de A Guerra d'os Mundos, cantando y actuando. En 1979, con o nombre de The Greedies, gravó una canción de navidat, "A Merry Jingle", chunto con atros miembros de Thin Lizzy y chunto con Steve Jones y Paul Cook, d'os Sex Pistols.

Carrera en solitario

En Oslo, 22 d'abril de 1980

Encara que Thin Lizzy obtenió prous exitos, en 1980 Phil Lynott decidió de prencipiar a suya carrera en solitario, gravando lo disco Solo in Soho, que gosó estar o Top 30 en as listas de vendas d'o Reino Uniu, tenendo especial exito ixe anyo dos cancions, Dear Miss Lonelyhearts y King's Call. Ista zaguera yera un tributo a Elvis Presley, colaborando Mark Knopfler en a guitarra. O suyo segundo disco en solitario estió un fracaso, encara que a suya canción "Old Town" tenió exito bels anyos dimpués cuan la cantoron The Corrs. A canción Yellow Pearl, que composó chunto con Midge Ure, plegó ta o Top 20.

En 1980 se casó con Caroline Crowther, con la que tenió dos fillas, Sarah y Cathleen.

En 1983, Thin Lizzy desapareixió como grupo, y dimpués Lynott gravó We Are The Boys (Who Make All The Noise) con Roy Wood, Chas Hodges y John Coghlan, y colaboró con un viello amigo d'el, o guitarrista Gary Moore en a canción "Out in the Fields" (numero 5 en o Reino Uniu en 1985, a suya canción con mas exito en as listas). O suyo zaguer single, "Nineteen", que amaneixió pocas semanas antis d'a suya muerte, fue producito por Paul Hardcastle.

Os suyos zaguers días los pasó entre drogas y alcol, y a nueit d'o 25 d'aviento de 1985, lo'n leboron ta o hespital dimpués d'una sobredosi d'heroína. Morió por fallo d'o corazón y pneumonía o 4 de chinero de 1986, con a edat de 36 anyos.

Discografía

Thin Lizzy

Thin Lizzy (1971)
Shades of a Blue Orphanage (1972)
Vagabonds of the Western World (1973)
Nightlife (1974)
Fighting (1975)
Jailbreak (1976)
Johnny the Fox (1976)
Bad Reputation (1977)
Live and Dangerous (1978)
Black Rose: A Rock Legend (1979)
Chinatown (1980)
Renegade (1981)
Thunder and Lightning (1983)
Life (1983)

En solitario

Solo in Soho (1980)
The Philip Lynott Album (1982)

Datos: Q298930
Multimedia: Phil Lynott / Q298930