Qin Shi Huang
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Qin Shi Huang ('Qin, o primer emperador') (en chinés: 秦始皇, pinyin: Qín Shǐ Huáng, Wade-Giles: Ch'in Shih-huang; tamién transcrito antes mas como Tsin Chi Hoang) (259 aC - 210 aC) estió o fundador d'a dinastía Qin (秦朝), rei d'o estau chinés de Qin (reino) en os tiempos d'os reinos combatients (246 aC-221 aC)[1] y primer emperador d'a China unificada dende 221 aC dica a suya muerte en 210 aC.[1][2] O suyo nombre de choven yera Zheng.
 |
Por favor, edita-lo ta cumplir con ellas. No borres iste aviso dica que no l'haigas feito. Colabora wikificando! |
| Qin Shi Huang | |
|---|---|
| Emperador de China | |
 Aśoka | |
| Mayo de 247 aC - 221 aC | |
| Predecesor | Zhuangxiang |
| Succesor | Qin Er Shi |
| Nombre real | Yíng Zhèng |
| Naixencia | Febrero de 259 aC Handan (Estau Qin hue China).
|
| Muerte | 10 de setiembre de 210 aC Shaqiu (Estau Qin hue China).
|
| Enterreco | Mausoleo de Qin Shi Huang |
| Hereu | Qin Er Shi |
| Descendencia | Prencipe Fusu Prencipe Gao Prencipe Jianglü Qin Er Shi |
| Dinastía | Dinastía Qin |
| Pai | Zhuangxiang |
| Sinyal | 
|
Con 13 anyadas heredó o reino de Qin y a con a edat de 39 anyos (221 aC) ya heba conquiesto y unificau, por primera vegada en a historia, os cuantos reinos combatients en un unico imperio. En que remató a conquiesta, enchegó muitas reformas economicas y politicas con aduya d'o suyo consellero Li Si.[1] Unificó os sistemas de mesura y peso, estandarizó os carácters emplegaus en a escritura, redistribuyó as tierras entre os labradors y fació grans treslaus de población ta privar rebueltas. A la finitiva remató con o sistema feudal anterior y creyó as bases d'o sistema imperial que rechiría a China por mas de 2.000 anyos.
T'asegurar a estabilidat, Qin Shi Huang vedó o Confucianismo, fació enterrecar vivos a cuantos intelectuals.[2] Se vedó toz os libros fueras d'os oficialment homologaus y se cremoron en o que se conoix como a gran purga Confuciana. A suya fegura ye controvertida, pero a tamas d'a tiranía d'o suyo gubierno, Qin Shi Huang ye considerau como un personache fundamental.
Emprenió prochectos chigants como a primera Gran Muralla, a construción d'a suya fuesa, o hue famoso Mausoleu d'o Primer Emperador Qin guardau por un exercito de guerrers de terracota u un gran sistema nacional de camins. O esfuerzo preciso ta tantas reformas y obras, en que se perdioron a-saber-las vidas, fació que o pueblo se revolbese contra él, fendo rematar a dinastía Qin en cayer él, y encetando-se una nueva dinastía, a d'os Han.
Referencias
editar- ↑ 1,0 1,1 1,2 Duiker, William J. Spielvogel, Jackson J. Edition: 5, illustrated. (2006). World History: Volume I: To 1800. Thomson Higher Education publishing. ISBN 0-495-05053-9, 9780495050537. pg 78.
- ↑ 2,0 2,1 Ren, Changhong. Wu, Jingyu. (2000). Rise and Fall of Qin Dynasty. Asiapac Books Pte Ltd. ISBN 981-229-172-5, 9789812291721.
Vinclos externos
editar
Se veigan as imáchens de Commons sobre Qin Shi Huang.
Datos: Q7192- Multimedia: Qin Shi Huang / Q7192