Teledetección
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
A teledetección ye a tecnica que permite a observación a distancia y a obtención d'imáchens d'a superficie terrestre dende sensors instalatos en avions u satelites artificials.
Un sistema de teledetección ha de tener como components un sensor (pasivo u activo), un fluxo d'enerchía, un centro de recepción y un sistema de distribución.
A teledetección ye un metodo que aporta datos sobre o territorio d'una traza mes exacta, rapida y fiable que os metodos tradicionals, y permite obtener gran numero d'imáchens en amplas arias terrestres, incluso en as mes inaccesibles. Permite una observación periodica, a variación entre dos observacions feitas en o mesmo puesto y fer comparanzas.
Tien muita aplicación en medio ambient en observacions sobre o clima, atmosfera y impactos ambientals: forato en a capa d'ozono, o abance u retacule d'as cheleras, a desforestación, o uso d'o suelo, os danyos en os cautivos, ecetra.
En teledetección se treballa con as radiacions d'o espectro electromagnetico solar que no absorbe l'atmosfera: radiación visible, radiación infrarroya y microondas.
A radiación visible ha permeso de fer fotos aerias dende fa decadas; actualment se puet captar a radiación visible en sensors dichitals en avions u satelites.
A radiación infrarroya permite detectar a presencia de diferents fuents de calor como sers vivos u incedios. A radiación infrarroya que dimana d'a superficie terrestre puet estar de tres clases: infrarroyo amanau a lo visible, infrarroyo meyo y infrarroyo leixán u termico. O infrarroyo amanau se fa servir pa detectar a vechetación. O infrarroyo meyo ye relacionau con a calor que absorbe l'augua y a enerchía termica que dimana d'o suelo, l'atmosfera u os sers vivos cuan son humidos. O infrarroyo leixano dimana d'a superficie terrestre calentada por a radiación solar, permite conoixer a suya temperatura y se fa servir en estudios climaticos globals.
As microondas permiten prener imáchens nocturnas, prener imáchens de terrenos con boiras perens. Os sensors de microondas pueden estar activos u pasivos. Os sensors pasivos de microondas permiten fer mapas de zonas cubiertas por cheleras y conoixer o movimiento d'os icebergs en base a que as microondas que dimanan d'os obchectos u sistemas materials lo fan en mesura mes gran contra mes míngue a temperatura.
Bibliografía
editar- Diodora Calvo Aldea, Maria Teresa Molina Álvarez, Joaquín Salvachúa Rodríguez: Ciencias de la tierra y medioambientales. 2º Bachilleraro. 2010 McGraw-Hill.
Datos: Q199687
Multimedia: Remote sensing / Q199687