Tuber

Iste articlo ye sobre un chenero de fongos. No entivocar-se a especie de tuberclos "Solanum tuberosum", tamién ditos trufas

Tuber

Denominacions populars
Trufa, trunfa, truba, tufĕra, tubera, cazoleta
Clasificación cientifica
Dominio:	Eukaryota
Reino:	Fongo
Filo:	Ascomycota
Clase:	Pezizomycetes
Orden:	Pezizales
Chenero:	Tuber

As trufas^[1] son un grupo d'especies de fongos ascomicetes d'a familia d'as tuberacias, chenero Tuber. Gosan fer asociacions micorriticas con árbols planifolios, mas que mas con especies d'o chenero Quercus como as carrascas, caixigos, coscollos, castanyeras y nogueras. O suyo cuerpo fructifero tien forma arrondolada, similar t'os tuberclos d'a especie Solanum tuberosum (as patatas u trunfas, que por ixe en prenen ixe mesmo nombre), con a superficie suya rugosa de color fosca. Bellas especies diz que son capaces de producir herbicidas, que se manifiestan por eixemplo en calvers en a hierba u matical baixo que bi ha arredol d'un carrasquizo micorrizato.

Nombre

En aragonés prenen nombres como trufa^[2] (con variants como trunfa, truba^[2], de l'occitán trufa, y ísta d'o latín tufĕra [var. dial. de tubĕre], por o suyo pareixiu con o tuberclo Solanum tuberosum), tuberas^[2] u tuferas^[2] (d'o latín tubĕre) con as suyas variants esdruchulas u a variant popular cazoletas^[2].

Uso

Prencipalment a causa d'o suyo aroma y gusto particular y diferent, ye utilizada como ingredient culinario, estando muito apreciada en la cocina europea, sobretot en Portugal, Espanya, Francia (especialment en a Borgonya y lo Périgord) amás de Italia. Pa lo suyo uso culinario y comercialización ha estau adaptada a cuantas presentacions, como lo aceite de trufa.

A lo largo d'a historia se les han atribuyiu propiedaz afrodisiacas y lo suyo uso culinario se remonta a la epoca de l'Antigo Echipto. En a Edat Meya se las consideraba una manifestación d'o demonio, per la suya color negrenco y amorfismo.

Especies

Tuber aestivum.
Tuber brumale.
Tuber gibbosum.
Tuber himalayensis.
Tuber magnatum.
Tuber melanosporum.
Tuber mesentericum.
Tuber oregonense.
Tuber sinensis.

Referencias

↑ (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
↑ ^2,0 ^2,1 ^2,2 ^2,3 ^2,4 (an) O Libro d'as Matas y os Animals; Dizionario aragonés d'espezies animals y bechetals. Rafael Vidaller Tricas. Ed. Bal de Onsera. Zaragoza, 2004. ISBN 978-84-89862-35-7

Iste articlo ye un borrador. Enamplando-lo aduyarás a amillorar a Biquipedia.

Datos: Q7850807
Multimedia: Tuber / Q7850807
Especies: Tuber (Tuberaceae)

[DORTO-1] (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.

[Vidaller-2] 2,0 ^2,1 ^2,2 ^2,3 ^2,4 (an) O Libro d'as Matas y os Animals; Dizionario aragonés d'espezies animals y bechetals. Rafael Vidaller Tricas. Ed. Bal de Onsera. Zaragoza, 2004. ISBN 978-84-89862-35-7

[1]

[2]