Zafir

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Zafir
Caracteristicas chenerals
Categoría:	Oxidos (minerals)
Clase:	4.CB.05 (Strunz)
Formula quimica:	Al2O3
Propiedatz fisicas
Color:	Cualsiquiera de fueras d'a roya: azul, rosa, incoloro
Lustre:	Vitrio.
Sistema cristalín:	Trigonal
Habito:	Masivo, granular
Trencadura:	Concoidea
Dureza:	9
Tenacidat:	Fráchil
Densidat:	3.95–4.10 g/cm3

O zafir ye una piedra preciosa que consiste en variants de corindón (Al₂O₃) de cualsiquiera color que no siga roya. O zafir ye a sobén azul y si ye de color azul intensa ye por a presencia de fierro y titanio ("zafir oriental"); si o zafir ye incoloro se diz "leucozafir".

Etimolochía

En aragonés medieval lo veyemos escrito tanto çafir como safir. Se barallan dos hipotesis etimolochicas. L'auna lo fa provenir d'o griego sappheiros (« piedra de color azul »), l'atra d'o hébreu sappir ("a cosa mes bella"). En aragonés medieval a palabra çafir pareix provenir de l'arabe, o que explicaría que tienga ç y no s como çabacequia u çaguero.

Mencions en fuents aragonesas

Bi ha mencions a zafirs en actas de corz, en inventarios de biens y en libros tradueitos a l'aragonés. As mencions en as actas de corz son intresants como transmisoras de creyencias clasicas:

Et yes assi senyor que proviencia requiere de necessidat haver en su uso las quatro virtudes cardinales que son designadas por quatro piedras preciosas, las quales tu, senyor, e todo rey debe posar, e tener en su corona el dia de su coronacion, mediant las quales virtudes la corona del rey, por la qual es designada su senyoria, se sostiene e se orna, asi como por las piedras: in auctoritate ut omnes obedire iudi ... permiti in principio, colla. X., las quales son safir, diamant, smeralda, carbuncle. Por el safir es designada prudencia, por el diamant fortaleza, por la smeralda temprança, por el carbunclo justicia.

Por esto, al princep es necessaria virtut de prudencia, la qual es comparada a la primera piedra de la corona, qui es safir, del qual yes scripto....

car el Safir entre las otras piedras ha aquesta que es induction a paz e concordia, ita dicit' Diascorides la qual cosa faze prudencia

car aquesta virtut de providencia es hun guello mental por el qual el bien e fin devido se veye e se guarda, pues dice el Philosofo que aquel a qui aqueste guello a conservacion del qual es muyto apropiado el safir

En o "Libro d'as Marabillas d'o Mundo" figura con "s" talment porque lo adaptan dende l'anglo-normando, a l'igual que fan con sarrasins, que en aragonés ye "sarracín". Tamién en a traducción aragonesa d'o "Libro d'el Trasoro" escriben safir.

Et si los puede hombre b(ie)n polir / Mas algu(n) obrero por malicia no los policen point / Affin q(ue) las gentes cuyden q(ue) hombre no(n) los puede polir / Mas los enssaya en esta man(er)a. P(r)im(er)ame(n)t hombre los ensaya a tallar en saphirs o en otras piedras p(re)ciosas & sobre xp(ist)al & sobre ac(er)o / Empues hombre p(re)nde vna piedra dayma(n)t / et es la piedra delos marin(er)os q(u)i tira a eilla laguilla / Et mete hombre el diama(n)t sobre aq(ue)ll aymant & li p(re)sienta hombre lagu[i]lla / Et si el diama(n)t es verdad(e)ro & virtuoso / laymant no tirara poi(n)t laguilla tanto como el diama(n)t sea p(re)sent / si layman no h(e)ra muy g(r)osso

Et toda la vaxiella de q(ue) hombre sierue enlas salas & enlas cambras son de piedras p(re)ciosas / sp(eci)alme(n)t alas grandes tablas / o de jaspe / o de xp(ist)al / o de amatista / Et si ay tac[']as desmeraldas de saphires & de thopacio & de peridas & de muchas otras piedras / Et ay asi b(ie)n vaxiella de fin oro / Car de vaxiella dargent no ay point

Maguera / todo siemp(re) arde vn vaissel de xp(ist)al pleno de balssamo / por dar bue(n)a odor / & por echar fu(er)a el mal aire. la forma de su lecho es toda de saphires finos bandados doro / Car los saphjres fazen b(ie)n dormjr & si Restriyn(n)en la luxuria

Pago es vn sinple auzel de muy gra(n)t beldat e ha cabeça s(er)pentina e vos de diablo , los pies ha de color de safires e la coa de diu(er)sas color(e)s q(ue) vos dire de lohar su beldat

sera sobre q(u)at(r)o vi(r)tudes enclinadas , do la p(r)im(er)a es prude(n)cia q(ue) es signjficada por carbonclo q(ue) illumj(n)a la nu(e)yt et Resplandece sobre todas las ot(r)as piedras , la .ija. es te(m)p(er)ancia q(ue) es sig(n)ificada por(e)l safir q(ue) lieua celestial color e es mas g(r)aciosa q(ue) piedra del mu(n)do

et hay islas assaz et aqui habita(n) indianos que son todos negros et uan todos esnudos por la grant calor et adoran ydolas en aquellas yslas se troban piedras preçiosas et las buenas specias et aqui ay vna ysla que es nombrada Colar do son trobadas los buenos Robins et los buenos caffires et el Rey de aquella ysla ha el mayor Robin et el millor que sea en el mundo et quando el Senyor de aq(ue)lla isla deue seyer coronado en Rey el lieua aquel Robin et lo mete en su trasoro

aquestas gentes han Rey al qual clama(n) Sendeman et son / ydolatres et no fazen trehudo a nenguno et van todos snudos mas cubre se la natura et biuen de carne et de arroz et de leche et han de vna manera de fruytas que claman susaman de que fazen mucho olio et han vino assaz et fazen lo delos arbores que nos auemos dicho ya et han mucho brasil et troba se en aquesta ysla muchos Rubins stopaçis çafiris diama(n)s et muchas de otras piedras preçiosas mas so(n) catiuas gentes darmas

10. Otro anillo d'oro smaltado, con un çafi de poco precio. 11. Cinquo rielles de bon argent. 12. Tres perlas orientales. 13. Hun çafiliquo chiquo.

Bibliografía

• Olaf Medenbach, Cornelia Sussieck-Fornefeld "Minerales" Guías de la naturaleza Blume. 1990.

Veyer tamién

• Zafir citrín

• Datos: Q127583
• Multimedia: Sapphire / Q127583