Itali
Itali (òrere Italy me usem Uket-chieen̄, mè ire Italia me usem ebi Itali) ìre ido ge òkup me etete Okwaan̄ Ile Mediterenia me Yurop agan̄ osiki. Ama-ibot kan̄ mè ama-ile òmimin ichit me emen ìre Rom. Ido òtatap ikana ọmọ ìre Furans, Siwizalan, Ọstiria, Silovenia mè agan̄-mkpulu òkup me emen ufi ido [enclaved microstates] Ama-ile Vatikan mè San Marino. Itali îkaan̄ si ama òkup me emen ofifi ido, òrere Kampione [Campione] òkup me emen Siwizalan.
