Yurop
Yurop ìre ge me lek kọntinenti (ikpele lek ijọn̄) jaaba ìkukup me linyọn̄. Ìkup me ìkike-iba linyọn̄ agan̄ inyọn̄ mè agan̄ mbum-ura. Me Yurop agan̄ inyọn̄, Emen-awaji Atik okup; Emen-awaji Atilantik onenikup me agan̄ ichep-ura kan̄; Esia okukup me agan̄ ichep-ura kan̄; sà Okwaan̄ Ile Mediterenia okup me agan̄ osiki kan̄.
Okike ijọn̄ îbenbe ìre 10,180,000 km² ikat ikana; eyi òrere irek gweregwen mè okpọkọ jeeta me efit (6.8%) me lek otutuuk ijọn̄ linyọn̄. Ọmọ ore òso gweregwen me ìkeke (okike ijọn̄). Otu-ifuk ebi ìluluk me emen ìre 741,477,158 ene; òrere akọp mè irek ge me efit (11%) me lek otutuuk ene me linyọn̄. Ọmọ ore òso ita ebi ene ewabe ichit me emen. Ìkaan̄ akọp ido go eriọọn̄be; ido gweregwen kechilọ, owuwa ene kpechieek ibe ke ere ido.
Usem ekimalek itumu me emen ire echi Rọsia, Jemeni, Furench, Itali, Sipen, Polan, Yukeren, Romania mè Dọchi. Ama ìmîmiin̄ ichit me emen kan̄ ìre Isitanbuulu, Mosikowu, Paris, Lọndọn, Madiridi, Baselona, Senti Pitasibọgu, Rom, Beliin mè Milaan.
Erieen̄ kan̄ yi, Yurop, ìnan̄a me lek erieen̄ gwun̄ enenwaan̄ ge ekigwen Yuropa òkôrere gwun̄ ogwu ubọọn̄ Fonisia me urọk ebi Giris. Yuropa ìsibi "ikpọkpọ inu me ujọn̄ọ ere", mè iyaka ire "inu ikakaan̄ owuwa inu me emen." Yurop inan̄a me lek erieen̄ ya.
Ido ìkup me emen ìre:
- Alibania
- Andora
- Arimenia
- Azeribaijan
- Belidika
- Bosinia Ezegovina
- Denimàk
- Esitọnia
- Finlan
- Foro
- Furans
- Giris
- Aisilan
- Itali
- Jameni
- Jọjia
- Kuresha
- Lativia
- Liezenstain
- Lituania
- Luzembọk
- Mesidonia Inyọn̄
- Molidọva
- Mọnako
- Mọntinegiro
- Nọwè
- Olaan
- Ọstiria
- Pọtugalu
- Polan
- Saipọrọs
- Romania
- San Marino
- Sebia
- Silovenia
- Silovakia
- Sipen
- Siwiden
- Siwizalan
- Ọn̄gari
- Ulan
- Mọlita
- Vatikan
- Belarọs
- Buligaria
- Yukeren
- Chesika
- Chorisika
- Kọsọvo