عشية
لعشية هو وقت ديال ليوم اللي كايشد من الضهر حتال لغروب.[1][2] ماكاينش وقت محدد لفوقاش كاتبدا لعشية (نفس لحاجة للصباح أولا الليل)، حيتاش هاد التعريف كايختالف على حساب كيفاش كولا واحد عايش حياتو وفينا بلاصة وشحال دالساعات ديال ضو النهار كاينين فليوم لكولّا وقيتة فلعام. واخا هاكاك لعشية كاتسالي إلزاميا مورا الشفق، ومن تما كاتبدا لفترة ديال الليل. ماكايناش شي وقت بحساب لماݣانة اللي تقدر نبداو فيها لعشية، غير إنما بزاف ديال الناس تّافقو بلّي وقت لعشية كاينطالق قريب من 6 دلعشية.[1]
ليستيعمال فالتقافة
بدلبعض اللوغات اللي كاتخدّم لوقت ديال النهار فالسلام ديالها عندها تحيّة خاصة ديال لعشية، بحال فلعربية (مساء الخير) أولا النݣليزية (Good evening). كايعتماد لوقت اللي كايكون مناسب باش تعطى فيه هاد التحية على التقافة ديال لواحد وكيفاش كاتحدد لعشية أولا لمفهوم اللي عند لواحد على لعشية.[3] ليستيعمال ديال لعيبارة د"مسا لخير" فالدارجة كايكون واسع شي شوية، على حساب إمتا فاق داك اللي ݣالها. كقاعيدة شاملة الناس كاتݣول "مسا لخير" أولا "مس لخير" مابين التلاتة مور الضهر والطناش دالليل. يمكن للتحية دلعشية تعطى بواحد الطريقة محتارمة بحال الشكل ديال "مسا لخير السي/لالة فلان(ة)" أولا "مسعد لمسا السي/لالة فلان(ة)".
شوف حتى
بدل
|
تقدر تزيد شوف بزاف د تّصاور و لمعلومات ديال Evening ف ويكيميديا كومنز. |
عيون لكلام
بدل- ^ a b "Definition of evening in English". Collins. Collins. مأرشيڤي من لأصل ف 2021-04-13. تطّالع عليه ب تاريخ 6 أبريل 2019.
- ^ "evening - Definition of evening in English by Oxford Dictionaries". Oxford Dictionaries - English. مأرشيڤي من لأصل ف 2019-04-07. تطّالع عليه ب تاريخ 2020-12-04.
- ^ "Definition of good morning". www.dictionary.com (ب نڭليزية). مأرشيڤي من لأصل ف 2023-06-04. تطّالع عليه ب تاريخ 2019-12-31.