مسبقة ميترية

مقالة ناقصينها تصاور. هاد لمقالة ناقصينها تصاور، حاول تزيد تصاور ماعليهاش كوپيرايت ف/من كومنز. باش تعرف كيفاش تزيد تصويرة ف مقال، شوف صفحة لمعاونة. يلا بان ليك بلي هاد لمقال مامحتاجش ل تصاور، زيد التصنيف تصنيف:ستيتناء من طاݣ ناقصين تصاور ف لّخر معا التصنيفات و حيّد هاد لموضيل. ماتّخلعش! هاد لميصاج مديور باش تشوفو لفرقة ديال الصيانة و لمراجعة د لمقالات، و ماكيعنيش بلي درتي شي غلط!

لمسبقة لميترية (ب نّݣليزية: metrix prefix) هيّا مسبقة د عبرة لي كاتّزاد ل عبرة بسيطة باش تعطي مضاعفات ؤلا أجزاء ديال هاد لعبرة. جميع لمسبّقات لميترية لي مخدّمين دابا عشريين (مبازيين على لعاداد 10). كلا مسبّقة ميترية عندها رمز وحيد لي كيقدر يتزاد ف لبدية د كلا عبرة بسيطة، باش تعطي عبرة خرة لي كاتساوي لعبرة لبسيطة مضروبة ف ؤلا مقسومة على مضاعف ديال عشرة. متلاً لمسبّقة كيلو- كاتعطي عبرة كاتساوي 1000 مرة لعبرة لأساسية، بحال كيلوڭرام = 1000 ڭرام، كيلوميتر = 1000 ميترو، كيلوجول = 1000 جول. لمسبّقة ميلي ، لعكس ديالها كاتدل على عبرة لي كاتساوي 1/1000 لقيمة د عبرة بسيطة، بحال ميليميتر = 1/1000 ميترو.

لمسبّقات لعشرية من بين لمزايا ديال سّيستيم لميتري، و 6 منهوم كيرجعو ل لوقت فاش بدا كيتخدّم هاد سّيستيم ف عوام 1790. تا معا عبرات لي ماشي ف سّيستيم لميتري، كيتخدّمو هاد لمسبّقات شي مرات.

لمسبّقات ديال سّيستيم لعالمي هوما لمسبّقات لي تّختارو بشكل رسمي باش يتخدّمو ف سّيستيم لعالمي د لعبرات، من طاراف لبيرو لعالمي ديال لوزان و لعبارات (ب نّݣليزية: International Bureau of Weights and Measures). ف 18 نونبر 2022 تزادو 4 ديال لمسبّقات لميترية بشكل رسمي هوما كويطّا ($10^{30}$)، رونّا- ($10^{27}$)، رونطو- ($10^{-27}$)، و كويكطو- ($10^{-30}$).

عيون لكلام

هادي زريعة ديال مقالة خاصها تّوسع. تقدر تشارك ف لكتبة ديالها.