اوروبا
اوروپا (يونانى: Ευρώπη; انجليزى: Europe) هى واحدة من السبع قارات اللى موجودين فى الكورة الارضية و مساحتها حوالى 10 مليون كيلومتر مربع و بكده تكون تانى اصغر قارة فى العالم بعد اوستراليا. اوروپا هى تالت قارة فى العالم من عدد السكان بعد اسيا و افريقيا و عايش فيها دلوقتى 731,000,000 انسان. القارة بيحدها من الشمال المحيط القطبى ومن الغرب المحيط الاطلنطى و يفصلها عن قارة افريقيا البحر المتوسط. اما من ناحية الشرق فبيفصلها عن قارة اسيا جبال الاورال و بحر قزوين و البحر الاسود و جبال القوقاز. اوروپا فيها عدد كبير من الدول المستقلة ( 50 دولة )اكبر دولة بينهم هيا روسيا و اصغر دولة بينهم هيا الفاتيكان. اوروپا هى اصل الحضارة الغربية و من زمان هيا فيها مراكز حضارية عظيمة زى الحضارة اليونانية و الرومانية و من اول القرن الستاشر بدات قوتها و نفوذها يتوسع لحد ماسيطرت الدول الاوروپية على معظم دول افريقيا و امريكا الشمالية و الجنوبية و اسيا و اوستراليا. اوروپا دخلت حربين عالميتين ورا بعض و اللى قصقصو نفوذها و دمرو اقتصادها و خلوها تخسر معظم مستعمراتها. دلوقتى اغلب دول القارة بيجمعهم اتحاد سياسي-اقتصادى هو الاتحاد الاوروپى. من اكبر المدن اللى فى اوروبا باريس و لندن و روما و بوخارست و برلين و استانبول و موسكو و مدريد و اتينا.
| ||||
|---|---|---|---|---|
  | ||||
 | ||||
| جزء من | اوراسيا الارض | |||
| الارض و السكان | ||||
| احداثيات | 48°41′27″N 9°08′26″E / 48.690959°N 9.14062°E [1] | |||
| اعلى قمه | جبل البروس | |||
| اخفض نقطه | بحر قزوين | |||
| المساحه | ||||
| التعداد السكانى | ||||
| الحكم | ||||
| التأسيس والسيادة | ||||
| بيانات تانيه | ||||
| دومين اعلى مستوى | .eu | |||
| ||||
تعديل مصدري - تعديل  | ||||
اللغات
تعديلاوروبا قارة غنية باللغات الكتيرة وكلها تقريبا بتتبع عيلة اللغات الهندوأوروبية و أغلب اللغات دى ممكن تتقسم فى تلات مجموعات رئيسية: اللغات الرومانسية اللى جاية من اللاتينبي
، اللغات الجيرمانية واللى جاية من جنوب أسكندنافيا و اخيرا اللغات السلافية فى شرق اوروبا وكمان فى لغات زى المالطى اللى بيعتبر لهجة جاية من العربى و التركى و الباسكى اللى بره العيلة او المجموعات دي.
اللغات الهندو-اوروپيه
تعديلكما رأينا فى الأعلى فهده اكبر عيلة لغويةفى اوروبا و تضم :
- اللغات الرومانسية كالايطالى و الفرنسية و الاسبانى و اللغة الرومانيه و البرتغالي
- اللغات الجيرمانية كالانجليزى و الألمانى و الأيسلاندى والدانيماركى و السويدى و النوريجي
- اللغات السلافية كالروسى و الأوكرانى و البولجارى و التشيكى و البولاندية و الصيربى و الكرواتى و البوسني.
- الألباني
- اليوناني
اللغات الألتية
تعديلو هى بتضم شوية لغات أهمها التركي.
الباسكى
تعديلو هى لغة معزوله و ملهاش قرايب من نفس العيله فى اوروپا و بيتكلمها دلوئتى سكان اقليم الباسك فى شمال اسبانيا.
اللغات الأورالية
تعديلوهى بتضم الفنلندى و المجري.
اللغات السامية
تعديلاللغات السامية ليها تمثيل واحد بس :المالطى و اللى بيتفرع من العربى و بيكتب بحروف لاتيني.
- ↑ أ ب مُعرِّف الملف الاستنادي المُتكامِل (GND): https://d-nb.info/gnd/4015701-5 — تاريخ الاطلاع: 16 سبتمبر 2021 — الرخصة: CC0