صلاح طاهر فنان تشكيلى مصرى ورسام مشهور (1911 - 2007)
كان فى بدايته تجسيدا للمدرسة الواقعية فى الفن لاكن نقل للمدرسة التجريدية واستمر
فى المدرسة الواقعية وخلط ما بين المدرستين واللى كان نتايجه مرحلة فى حياته تسمى بمرحلة التجريدية الوسطية
كمان رسم صلاح طاهر الكتير من البورتيرهات واستمر فى عمل الكتير منها لغاية مرحلة متقدمة من مراحلة الفنية برغم ما يمثله رسم البورتريه من تجسيد لروح المدرسة الواقعية فرسم الكتير من الشخصيات زى جمال عبد الناصر و أنور السادات
- اتولد فى 12 مايو لسنة 1911
- تخرج من مدرسة الفنون الجميلة العليا سنة 1934 والمعروفة الايام دى باسم كلية الفنون الجميلة
- يعد صلاح طاهر الفنان العربى الوحيد اللى تحتفظ جدران البيت الأبيض بواحدة من لوحاته
- صاحب فى فترة من حياته المفكر عباس محمود العقاد برغم فارق السن فكان صلاح طاهر 18 سنه فى الوقت نفسه وصل العقاد لشيخوخته.و ده كان له عظيم الأثر على أعمال صلاح طاهر بعدين.
- اقام الفنان صلاح طاهر تمانين معرض ما بين المحلى والدولى وكمان اشترك فى 67 معرض جماعى من سنة 1933 ولغاية وفاته
- اتعين مدير لمتحف الفن الحديث عام 1954 وبعدها مدير للمتاحف الفنية بوزارة الثقافة المصرية
- سنة 1961 بقا مديرا لأدارة الفنون الجميلة بالوزارة
- تولى رئاسة دار الأوبرا المصرية ما بين 1962 و 1966
- جايزة الدولة التقديرة سنة 1974 مع وسام الأستحقاق
- وسام الجمهورية من الطبقة التالتة عام 1975
