ناصريه
ناصرية او الفكر الناصرى هيا ايديولوجيا سياسيه ابتدت فى مصر و مبنية على سياسة و افكار جمال عبد الناصر. الناصريه تؤمن بالقومية العربيه ، و ان كل البلاد من المحيط الاطلنطى للخليج الفارسى هم عرب و لازم يكونوا دولة واحده و يقال على دى المنطقه العالم او الوطن العربى ، و اشتراكيه عربيه (تعريف عبدالناصر للاشتراكيه) . ده الفكر انتشر كثيرا و اثر فى نظام دول كتير فى الخمسينات و بالتحديد بعد العدوان الثلاثى و استمر فى الستينات و الى اول السبعينات من القرن العشرين. اول من استخدم ده اللفظ " الناصريه" لوصف الايديولوجيا دى كان محمد حسنين هيكل فى مقال له فى جورنال الاهرام فى يناير 1972.
| ||||
|---|---|---|---|---|
| ايدلوجيا سياسيه | ||||
تعديل  |
||||
الايديولوجيا
تعديلايديولوجيا الفكر الناصرى مبنيه على سياسة و افكر جمال عبد الناصر عن العروبه و الاشتراكيه العربيه و العداله الاجتماعيه. بالرغم انها بتصنف نفسها انها فكر اشتراكى ، الناصريه بتعادى باقى التيارات الاشتراكيه المختلفه و الشيوعيه و بتعادى الفكر الليبرالى و عشان الناصريه كتيار مبنى على العلمانيه كان بيعادى كمان الجماعات و الاحزاب اللى بتصنف نفسها على اساس دينى زى جماعات و احزاب الاسلام السياسى ، فى فتره حكم عبدالناصر كان كل المتنمين للايديولوجيات دى بيعتقلوا فى السجون و بيتم قمعهم. الناصريه كمان بتعادى الامبرياليه و الاستعمار و كانت بتشجع و بتساعد حركات الاستقلال و التحرر اللى حصلت فى افريقيا
دور مصر التاريخى
تعديل
حسب الفكر الناصرى ، مصر ليها دور تاريخى محكوم عليها ، بيتلخص فى فى 3 ادوار او دواير ، دورها مع العرب و دورها مع الدول الاسلاميه و دورها فى افريقيا و انها لازم تقود و تساعد الدول دى.
الانتقادات
تعديلالناصريه اتوجه ليها انتقادات كتيره من اهمها انها نظام استبدادى و ديكتاتورى و بتسجن و بتعادى كل اللى بيختلف معاها لحد بو كانت فى حاجة بسيطة ، و بتستشهد بتصرفات عبد الناصر مع معارضينه ف الموضوع ده . كمان ان الناصريه بتعادى و بتلغى القوميه المصريه و بتحط كبديل ليها القوميه العربيه و ان الفكر الناصرى مهتم اكتر بالعرب و مشاكلهم اكتر من المصريين و و ان عبدالناصر كان بيهتم بشئون العرب و اللى مش مصريين جامد و ده اللى ورطنا فى صرعات اتسببت لازمات لمصر زى حرب اليمن و انه شال اسم مصر لأول مرة ف تاريخها من الدولة و غير اسمها للجمهوريه العربيه المتحده و ان سياسة التأميم بتاعه ظلمت ناس كتير خصوصا ان راح جزء كبير منها لظباط الجيش و المخابرات و مش للفقرا زى ما كانو بيقولوا و و ان السياسة الناصريه اتسببت فى النكسه ( حرب 67) و انفصال السودان عن مصر . و ان لحد دلوقتى مصر بتدفع ثمن السياسة الناصريه. باختصار معظم الانتقادات للناصريه مبنية على انتقادات لسياسة عبد الناصر نفسه ، عشان هو مؤسس الفكر ده و على افعال الزعماء الناصريين و افعالهم.
انجازات
تعديلبالرغم من كل الانتقادات دى فيه انجازات الناصريين شايفيين ان الفكر الناصرى عملها زى تأميم قناة السويس و الوحده بين مصر و سوريا ف الجمهوريه العربيه المتحده و ان فى عهده حصلت اتفاقية الاجلاء مع بريطانيا و قانون الاصلاح الزراعى ، اللى اداه للفلاحين اراضى بدل ما كانو بيشتغلوا بالاجرة فيها و التعليم المجانى.
و ان السياسة الناصريه عملت علاقات كويسه و كان عندها دعم كبير من الدول الافريقيه و دول العالم التالت و كانو المصريين لهم حساب و احترام كبير بره مصر و منظمة عدم الانحياز و اللى قدر بيها عبد الناصر انه ميتورطش جامد فى الحرب البارده و يستغل الطرفيين لصالحه بناء السد العالى ، و ف التلت نقاط دول بيتفق معظم معارضين الناصريه معاهم ، اللى بيشفوها من الحسنات القليلة لنظام عبد الناصر.