بابا

البابا Pope هو لقب بطريرك الكنيسه القبطيه فى مصر. اول بطريرك اتلقب ببابا كان ياروكلاس بطريرك اسكندريه التلتاشر ، بعد كده اتنقل اللقب للكنيسه اللاتينيه الكاتوليكيه فى روما.

بابا الكنيسة القبطية الأرثوذكسية الحالى تواضروس التانى.

سعيد بن بطريق المؤرخ و بطريرك اسكندريه للملكانيين فى القرن العاشر ذكر فى تاريخه ان اللفظ جى من " اب آبا " و بعدين اتحول لـ " أبابا " و بعدين بقى " بابا " و نقلته الكنيسه الكاتوليكيه فى روما و بقى بطريركها بيتلقب هو كمان " بابا ".

و ذكر المقريزى فى كتابه " دخول قبط مصر النصرانيه " ان بطريرك اسكندريه كان بيتلقب " بابا " من عهد حناينا و ان بابا معناها " ابو الأباء " و ان كنيسة روما اخدت اللقب من الكنيسه المصريه.

الدرجات

• فى رتبة الشمامسه خمس درجات:

الإبصالتيس – الأغنسطس – الإيبودياكون – دياكون – ارشيدياكون

• و فى رتبة القسيسيه تلات درجات و هيا:

القس – القمص – الخورى ابسكوبس

• و فى رتبة الأسقفيه تلات درجات و هيا:

الأسقف – المطران – البطريرك

يوضع الرهبان فى رتبه تانيه,

بيترسم الراهب شماس قبل الرهبنه,

ممكن يتدرج فى رتب الإكليروس كالتالى:

شماس - راهب - كاهن قس - كاهن برتبة قمص - أسقف - بابا

مصادر

• منسى يوحنا : تاريخ الكنيسة القبطية، مكتبة المحبه ، القاهره 1983.