شرودينجر
إرڤين شرودينجر (Erwin Rudolf Josef Alexander Schrödinger نطق ألمانى: [ˈɛʁviːn ˈʃʁøːdɪŋɐ]) (12 اغسطس 1887-4 يناير 1961م) هوه فيزيائى نمساوى معروف بإسهاماته فى ميكانيكا الكم وخصوصا معادلة شرودينجر واللى اخد عشانها جايزة نوبل فى الفيزيا سنة 1933م.
اشهر اعماله بتتعلق بابتكار رياضه بحتة جديده تقدر توصف حالات الالكترون الكمومية فى ذرة الهيدروجين، وبتتسمى ميكانيكا الكم. فأدر شرودينجر بتفسير طيف الهيدروجين عن طريق حل معادلته الشهيره اللى بتتسمى معادلة شرودينجر وده سنة 1926.
حلت معادلة شرودينجر بنجاح معضلة تآثر جسيمين اساسيين كموميين هما الالكترون السالب الشحنه و البروتون الموجب الشحنة واللى بيكوّن نواة ذره الهيدروجين، المسألة دى اللى ما نجحتش فى حلها النظريات الكلاسيكيه، لحد ما قدر شرودينجر يحلها بأخده الطبيعة الغريبة للالكترون، هيا مثنوية موجة-جسيم بحيث عبّر عن الالكترون فى معادلته على انه موجة و مش جسيم، و حط بكده اساس الميكانيكا الموجيه. عن طريق ميكانيكا الكم اللى اشترك فى تأسيسها فى نفس الوقت العالم الألمانى هايزنبرج و كان كل واحد فيهم شغال لوحده ، قدر شرودينجر برده يفسر النشاط الإشعاعى وحسابه بدقة كبيرة. ولحد يومنا ده لسه معادلة شرودينجر بتعتبر من الاعمدة الاساسية عند الفيزيائيين عشان حل وفهم كتير من الظواهر الطبيعيه الكموميه، فى مجال الجسيمات الذريه و تحت الذريه، يعنى عالم المادة فى أصغر صورها و أحوالها الكموميه. قدر العلما قريب بواسطتها تفسير ظاهرة التوصيل الفائق.
